జనసేన అధినేత పరిటాల రవి ఇంటికి వెళ్ళాడు , పవన్ కళ్యాణ్ తమ ఇంటికి రావడంతో పరిటాల తనయుడు శ్రీరామ్ స్వయంగా ఎదురెళ్లి మరీ పుష్పగుచ్చం ఇచ్చి ఇంట్లోకి తీసుకెళ్లాడు . ఆ తర్వాత అల్పాహారం తీసుకుని అనంతపురం జిల్లా సస్యశ్యామలం కావాలంటే తీసుకోవాల్సిన జాగ్రత్తల గురించి అధికారులతో చర్చించాడు , అధికారులు ఇచ్చిన వివరాలను తీసుకొని వాటిని పరిశీలిస్తానని అన్నాడు పవన్ . పరిటాల రవి తో నాకు ఎలాంటి విభేదాలు లేవని మరోసారి స్పష్టం చేసాడు పవన్ కళ్యాణ్ . గతంలో పవన్ కళ్యాణ్ పై దాడులు జరిగాయని దానికి పరిటాల రవి కారకుడని అప్పట్లో సంచలన వార్తలు వచ్చిన విషయం తెలిసిందే . కట్ చేస్తే ఇప్పుడు పవన్ కళ్యాణ్ పరిటాల ఇంటిని సందర్శించడం సంచలనం సృష్టిస్తోంది . కదిరి నరసింహుడిని దర్శించుకొని అనంతపురం పర్యటన ని ముగించనున్నాడు పవన్ . వచ్చే ఎన్నికల్లో ప్రజలు తెలుగుదేశం పార్టీ తో జట్టు కట్టమంటే అలాగే చేస్తానని కానీ అది ఎన్నికల ముందు మాత్రమే స్పష్టత వస్తుందని తెలిపాడు పవన్ . ఈ సమావేశంలో మంత్రి పరిటాల సునీత కూడా పాల్గొన్నారు .
- Advertisement -