వరుస హిట్స్ తో దూసుకెళ్తున్న నాగ చైతన్య ఈరోజు తన 22 వ చిత్రాన్ని అధికారికంగా ప్రకటించారు. కోలీవుడ్ లో విలక్షణ దర్శకుడిగా పేరున్న వెంకట్ ప్రభు డైరెక్షన్లో చైతు తన 22 వ చిత్రాన్ని చేయబోతున్నట్లు తెలిపారు. ‘గోవా’ ‘సరోజ’ ‘గ్యాబ్లింగ్’ ‘రాక్షసుడు’ వంటి సినిమాలతో తెలుగు ప్రేక్షకులకు వెంకట్ సుపరిచితమే.
ఈ సందర్భాంగా ప్రభు సోషల్ మీడియా ద్వారా స్పందిస్తూ..తాను దర్శకత్వం వహించనున్న ఈ చిత్రం తెలుగు, తమిళం ద్విభాషా చిత్రంగా ఉంటుందని వెల్లడించారు. శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి ఈ చిత్రాన్ని నిర్మిస్తున్నారు. ఇతర నటీనటులు, సాంకేతిక నిపుణుల వివరాలు తర్వాత వెల్లడికానున్నాయి. కాగా కమర్షియల్ హంగులతో కూడిన ఇంట్రెస్టింగ్ సబ్జెక్ట్‌ని దర్శకుడు చైతన్య కోసం రెడీ చేశాడని అంటున్నారు.
ఇక చైతు ప్రస్తుతం విక్రమ్ కుమార్ దర్శకత్వంలో థాంక్యూ అనే ఇంట్రస్టింగ్ టైటిల్ ను సినిమా చేస్తున్నాడు. ఈ సినిమా హాకీ నేపథ్యంలో సాగుతుందని తెలుస్తుంది. అంతే కాదు సూపర్ స్టార్ మహేష్ బాబు వీరాభిమానిగా చైతన్య కనిపించనున్నాడట. ఈ సినిమాలో నాగచైతన్య కు జోడీగా బాబ్లీ బ్యూటీ రాశిఖన్నా నటిస్తుంది.