న్యాచురల్ స్టార్ నాని ప్రస్తుతం టక్ జగదీష్ షూటింగ్ లో పాల్గొంటున్న విషయం తెల్సిందే. ఈ సినిమా షూటింగ్ ప్రస్తుతం శరవేగంగా హైదరాబాద్ లో జరుగుతోంది. ప్రస్తుతం ఈ సినిమా ఆఖరి షెడ్యూల్ లో ఉంది. మరి కొద్ది రోజుల్లో ఈ సినిమా షూటింగ్ ముగుస్తుంది. ఇక ఈ సినిమా పూర్తవ్వగానే ఎక్కువ బ్రేక్ తీసుకోకుండా నాని తన నెక్స్ట్ చిత్రం శ్యామ్ సింగ రాయ్ ను మొదలుపెడతాడని అందరూ భావించారు. దానికి తగ్గట్లుగా పనులు జరిగాయి కూడా.
అయితే తాజా సమాచారం ప్రకారం ఈ సినిమాను నాని హోల్డ్ లో పెడుతున్నాడట. మొదటినుండి శ్యామ్ సింగ రాయ్ ఇబ్బందులను ఎదుర్కొంటూనే ఉంది. సితార ఎంటర్టైన్మెంట్స్ ఈ సినిమాను నిర్మించాల్సి ఉంది కానీ వారు వెనక్కి తగ్గడంతో వెంకట బోయినపల్లి చేతికి వెళ్ళింది. ఈ సినిమా ప్రీ ప్రొడక్షన్ వర్క్స్ శరవేగంగా సాగుతున్నాయి.
అయితే శ్యామ్ సింగ రాయ్ భారీ బడ్జెట్ తో తెరకెక్కించాల్సిన సినిమా. ప్రస్తుతమున్న మార్కెట్ వేల్యూకు ఈ సినిమా తెరకెక్కించడం కరెక్ట్ కాదనే అభిప్రాయం వ్యక్తమవుతోంది. ఈ నేపథ్యంలో ఈ ప్రాజెక్టును ప్రస్తుతానికి హోల్డ్ లో పెట్టాలని నాని నిర్ణయించుకున్నట్లు తెలుస్తోంది. అయితే దీనిపై అధికారిక ప్రకటన రావాల్సి ఉంది.