![నాగ చైతన్య ఓటిటి డెబ్యూ త్వరలోనే జరుగనుందా? నాగ చైతన్య ఓటిటి డెబ్యూ త్వరలోనే జరుగనుందా?](https://telugu.tollywood.net/wp-content/uploads/2021/02/naga-chaitanya-ott-debut-confirmed.jpg)
ఓటిటి మీడియం యొక్క పవర్ ను నెమ్మదిగా ప్రతీ ఆర్టిస్ట్ అర్ధం చేసుకుంటున్నారు. ఇప్పటికే చాలా మంది హీరో, హీరోయిన్లు ఓటిటి ప్లాట్ ఫామ్ లో మెరిశారు. మరింత మంది నటించారు. ఇప్పుడు ఈ లైన్లో ఉన్నాడు నాగ చైతన్య. ప్రస్తుతం థాంక్యూ అనే చిత్రంలో నటిస్తున్నాడు నాగ చైతన్య. ఈ సినిమా షూటింగ్ ప్రస్తుతం శరవేగంగా సాగుతోంది. విక్రమ్ కె కుమార్ ఈ సినిమాను డైరెక్ట్ చేస్తున్నాడు. దిల్ రాజు నిర్మిస్తున్నాడు.
తాజా సమాచారం ప్రకారం వీరిద్దరూ కలిసి ఒక వెబ్ సిరీస్ కోసం పనిచేయనున్నారు. హారర్ జోనర్ లో ఈ వెబ్ సిరీస్ తెరకెక్కనుంది. ఈ వెబ్ సిరీస్ కు సంబంధించిన ప్రీ ప్రొడక్షన్ పనులు శరవేగంగా సాగుతున్నాయి. ఈ హారర్ వెబ్ సిరీస్ ను అమెజాన్ ప్రైమ్ నిర్మిస్తోంది.
సమంత ఇప్పటికే ఓటిటి ఎంట్రీకి సిద్ధమైంది. ఈమె నటించిన ది ఫ్యామిలీ మ్యాన్ 2 సమ్మర్ లో విడుదలకు సిద్ధమైంది. మరి నాగ చైతన్య తన ఓటిటి ఎంట్రీతో ఎలా మెప్పిస్తాడు అన్నది ఆసక్తికరంగా మారింది.