అల్లు అర్జున్ నటించిన నా పేరు సూర్య నా ఇల్లు ఇండియా చిత్రం మే 4న విడుదల కానుండగా ఈరోజు థియేట్రికల్ ట్రయిలర్ ని విడుదల చేసారు , ఆ ట్రైలర్ ఎలా ఉందంటే ……. ఒక్క మాటలో చెప్పాలంటే నా పేరు సూర్య చిత్రంపై అంచనాలు పెంచేలాగే ఉంది . వక్కంతం వంశీ దర్శకత్వంలో తెరకెక్కిన ఈ చిత్రాన్ని లగడపాటి శ్రీధర్ – నాగబాబు లు సంయుక్తంగా నిర్మించారు . అల్లు అర్జున్ సైనికుడి గా నటించిన ఈ చిత్రంపై అల్లు అర్జున్ ఎన్నో ఆశలు పెట్టుకున్నాడు .
ఇక ట్రైలర్ విషయానికి వస్తే ……. పూర్తి యాక్షన్ తో రూపొందింది . మాస్ ప్రేక్షకులకు ఇది నచ్చేలా ఉంది కూడా అయితే లోపాయికారిగా తెలుస్తున్న దాని ప్రకారం బయట కనబడుతున్న విజువల్స్ ని చూస్తే ” నా పేరు సూర్య నా ఇల్లు ఇండియా ” చాలా సీరియస్ గా సాగె సినిమా అని అనుకునేలా ఉంది కానీ సినిమాలో ఎంటర్ టైన్ మెంట్ కూడా పుష్కలంగా ఉంటుందట . మిలిటరీ లో అల్లు అర్జున్ చేరడానికి గ్రామంలోని వాళ్ళ చేత అంగీకార పత్రం తీసుకోవడానికి ఎన్నో ఇబ్బందులు పడతాడట ! ఆ సమయంలో ఫన్ జనరేట్ అవుతుందని అంటున్నారు . అసలు అయితే ఈ సినిమా ప్రేక్షకాదరణ పొందుతుందా ? లేదా ? అన్నది తెలియాలంటే మే 4 వరకు ఎదురు చూడాల్సిందే .
