మొదటి రోజున 40 కోట్ల గ్రాస్ వసూళ్ల ని సాధించిన నా పేరు సూర్య నా ఇల్లు ఇండియా రెండోరోజున మరో 23 కోట్లకు పైగా వసూల్ చేసాడు దాంతో రెండు రోజుల్లో 63. 86 కోట్లు రాబట్టాడు అల్లు అర్జున్ . వక్కంతం వంశీ దర్శకత్వంలో తెరకెక్కిన ఈ చిత్రం మొదటి రోజునే మిశ్రమ స్పందన ని పొందింది దాంతో భారీ వసూళ్లు రావడం లేదు . మిలిటరీ నేపథ్యంలో రూపొందిన ఈ చిత్రంతో నటుడిగా అల్లు అర్జున్ ఎంతో ఎత్తకి ఎదిగాడు అయితే అనుకున్న రేంజ్ లో మాత్రం ఆడటం లేదు .
అల్లు అర్జున్ కున్న క్రేజ్ తో వసూళ్లు వస్తున్నాయి , మరో రెండు రోజుల పాటు మరో సినిమా ఏది లేకపోవడంతో ఈ రెండు రోజులు పాటు మంచి వసూళ్లు రానున్నాయి . మొత్తానికి మొదటి వారంలో వచ్చే వసూళ్లు మాత్రమే ఈ సినిమాకు వచ్చే ఆదాయం , రెండో వారంలో కలెక్షన్లు రావడం కష్టమే ! అల్లు అర్జున్ నటనకు ప్రేక్షకులు జేజేలు పలుకుతున్నారు కానీ సినిమా పట్ల అంత సానుకూలంగా లేరు . 88 కోట్ల బిజినెస్ జరిగింది నా పేరు సూర్య నా ఇల్లు నా ఇండియా బయ్యర్లు సేఫ్ కావాలంటే మరో 80 కోట్లు వసూల్ కావాలి .