అర్జున్ రెడ్డి చిత్రంతో తెలుగునాట సంచలనం సృష్టించిన దర్శకుడు సందీప్ రెడ్డి వంగా తాజాగా మహేష్ బాబు తో సినిమా చేయడానికి గ్రీన్ సిగ్నల్ ఇచ్చినట్లు తెలుస్తోంది . అర్జున్ రెడ్డి విడుదలైన సమయంలో మహేష్ బాబు అర్జున్ రెడ్డి దర్శకుడి తో పాటుగా ఆ చిత్ర యూనిట్ కు శుభాకాంక్షలు అందజేస్తూ ట్వీట్ చేసాడు అప్పుడే ఈ కాంబినేషన్ లో సినిమా రానున్నట్లు గుసగుసలు వినిపించాయి .
కాగా తాజాగా అందుతున్న సమాచారం ప్రకారం సందీప్ రెడ్డి మహేష్ బాబు కథ చెప్పడం దానికి మహేష్ ఓకే చెప్పడం జరిగిపోయిందట ! ఇక పూర్తి స్క్రిప్ట్ ని సందీప్ సిద్ధం చేసే పనిలో ఉన్నట్లు తెలుస్తోంది . ప్రస్తుతం మహేష్ భరత్ అనే నేను చిత్రంలో నటిస్తున్నాడు దాని తర్వాత వంశీ పైడిపల్లి దర్శకత్వంలో నటించనున్నాడు . కాగా ఆ సినిమా తర్వాత సందీప్ రెడ్డి వంగా దర్శకత్వంలో మహేష్ నటించే సినిమా ప్రారంభం కానున్నట్లు తెలుస్తోంది . ఇక మహేష్ ఆ సినిమాలో మెకానిక్ గా నటించనున్నాడట .