సూపర్ స్టార్ మహేష్ బాబు సర్కారు వారి పాట చిత్రంలో నటిస్తోన్న విషయం తెల్సిందే. ఈ సినిమా షూటింగ్ శరవేగంగా సాగుతోంది. హైదరాబాద్ లో మినీ షెడ్యూల్ ను పూర్తి చేసిన తర్వాత ఇప్పుడు గోవాకు షిఫ్ట్ అయింది. గోవాలో భారీ యాక్షన్ సీక్వెన్స్ ను షూట్ చేస్తున్నారు. రామ్ – లక్ష్మణ్ మాస్టర్స్ ఆధ్వర్యంలో ఈ యాక్షన్ బ్లాక్ ను చిత్రీకరిస్తున్నారు. మరికొన్ని రోజుల పాటు గోవాలోనే షూటింగ్ కొనసాగిస్తారు.
ఆగస్ట్ 9న విడుదలైన సర్కారు వారి పాట టీజర్ అద్భుత రెస్పాన్స్ ను సంతరించుకుంది. మహేష్ లుక్స్, మ్యానరిజమ్స్ ఫ్యాన్స్ కు భలే నచ్చేసాయి. పరశురామ్ ఈ చిత్రాన్ని తెరకెక్కిస్తున్నాడు. కీర్తి సురేష్ కథానాయికగా నటిస్తోంది. మైత్రి మూవీ మేకర్స్, 14 రీల్స్, జిఎంబి ఎంటర్టైన్మెంట్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి. ఎస్ ఎస్ థమన్ సంగీతం అందిస్తున్నాడు.
సంక్రాంతి కానుకగా జనవరి 13న ఈ చిత్రం విడుదలవుతునని అధికారికంగా వెల్లడించారు.