ఈ మ‌ధ్య మ‌న స్టార్‌లు త‌మ‌కు న‌చ్చిన సినిమా గురించి సోష‌ల్ మీడియా వేదిక‌గా స్పందిస్తూ చిత్ర బృందంపై ప్ర‌శంస‌లు కురిపిస్తున్న విష‌యం తెలిసిందే. తాజాగా మామా అల్లుళ్లు విక్ట‌రీ వెంక‌టేష్‌, నాగ‌చైత‌న్య క‌లిసి న‌టిచిన చిత్రం `వెంకీమామ`. ఈ చిత్రం ఇటీవ‌లే విడుద‌లై మంచి విజ‌యాన్ని సొంతం చేసుకుంది. తొలి రోజు తొలి ఆట నుంచే మౌత్ టాక్‌తో మంచి వ‌సూళ్ల‌ని సాధిస్తూ విజ‌య‌ప‌థంలో దూసుకుపోతోంది. ఈ సినిమాపై సూప‌ర్‌స్టార్ మ‌హేష్‌బాబు స్పందించారు.
`సినిమాలో మామా అల్లుళ్ల కెమిస్ట్రీ అదిరిపోయింది. `వెంకీమామ` ఓ చ‌క్క‌టి వినోదాత్మ‌క చిత్రం. ప్ర‌తీ బిట్‌ని ఎంజాయ్ చేశా. మామా అల్లుళ్ల కెమిప్ట్రీలో వెండి తెర‌ను మెరిపించారు. ప‌ర్‌ఫెక్ట్ ఎమోష‌న్స్‌, కామెడీ, కుటుంబ విలువ‌ల‌తో కూడుకున్న చిత్ర‌మిది. ఈ సంద‌ర్భంగా చిత్ర బృందాన్ని ప్ర‌త్యేకంగా అభినందిస్తున్నాను అని ట్వీట్ చేశారు. దీనిపై రాశీఖ‌న్నా, నాగ‌చైత‌న్య స్పందించారు. మీరు మా సినిమా న‌చ్చినందుకు ధ‌న్య‌వాదాలు మ‌హేష్‌బాబు అని తెలిపారు.
తొలిసారి మామా అల్లుళ్లు అయిన వెంకీ, చై క‌లిసి న‌టించిన చిత్రం కావ‌డంతో సినిమా ప్రారంభం నుంచే మంచి క్రేజ్ ఏర్పిడింది. అందుకు ఏ మాత్రం తీసిపోని స్థాయిలో ఈ చిత్ర వ‌సూళ్లు వుండ‌టంతో చిత్ర బృందం ఆనందాన్ని వ్య‌క్తం చేస్తోంది. సురేష్ ప్రొడ‌క్ష‌న్స్ బ్యాన‌ర్‌పై డి. సురేష్‌బాబు నిర్మించిన ఈ చిత్రానికి కె.ఎస్‌. ర‌వీంద్ర(బాబి) ద‌ర్శ‌క‌త్వం వ‌హించారు. రాశిఖ‌న్నా, పాయ‌ల్ రాజ్‌పుత్ క‌థానాయిక‌లుగా న‌టించారు.
#VenkyMama is a thorough entertainer. Really enjoyed every bit of it. #Venkatesh garu and @chay_akkineni light up the screen with their Mama-Alludu chemistry ? A perfect blend of emotions, comedy and family values. Congratulations to the entire team ??
— Mahesh Babu (@urstrulyMahesh) December 17, 2019
Credit: Twitter