మాధ‌వ్ చిలుకూరి, స్పందన ప‌ల్లి, ర‌జ‌త్ రాఘ‌వ్‌, శ్వేతావ‌ర్మ కీల‌క పాత్ర‌ల్లో న‌టిస్తున్న తాజా చిత్రం `మ్యాడ్‌`. ల‌క్ష్మ‌ణ్ మేనేని ద‌ర్శ‌క‌త్వంలో మోదెల టాకీస్ బ్యాన‌ర్‌పై టి. వేణుగోపాల్‌, బి. కృష్ణారెడ్డి అండ్ మిత్రులు నిర్మాత‌లుగా నిర్మిస్తున్న విభిన్న‌మైన ప్రేమ‌క‌థా చిత్రం `మ్యాడ్‌`. ఈ చిత్రానికి సంబంధించిన ఫ‌స్ట్‌లుక్‌ని చిత్ర బృందం సోమ‌వారం విడుద‌ల చేసింది.
ప్రస్తుత జ‌న‌రేష‌న్ ని ప్ర‌తిబింబించేలా పెళ్లి, స‌హ‌జీవ‌నంలో వున్న రెండు జంట‌ల నేప‌థ్యంలో రాబోతున్న ఈ సినిమా కాన్సెప్ట్ ఆక‌ట్టుకుంటోంది. ప్ర‌స్తుతం ఈ చిత్రానికి సంబంధించిన పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి. ద‌ర్శ‌కుడు మాట్లాడుతూ ` ఇటీవ‌ల విడుద‌ల చేసిన ప్రీ లుక్‌కి మంచి స్పందన ల‌భిస్తోంది. మ‌న చుట్టూ జ‌రుగుతున్న కొన్ని జీవితాల నుంచి ప్రేర‌ణ పొంది అంతే స‌హ‌జంగా ఈ చిత్ర క‌థ‌ని చెప్ప‌డం జ‌రిగింది. పెద్ద‌లు కుదిర్చిన పెళ్లి చేసుకున్న ఒక జంట, లివింగ్ రిలేష‌న్‌లో వున్న మ‌రో జంట జీవితాల్లో ఎలాంటి మ‌లుపులు జ‌రిగాయ‌న్నదే ఇందులో ప్ర‌ధాన క‌థాంశం. చిత్ర క‌థ, క‌థ‌నం, సంగీతం హైలైట్‌గా నిలుస్తుంది.
మోడ్ర‌న్ జీ‌వితాల్ని చూసిన ఫీలింగ్ క‌లుగుతుంది. రెహ‌మాన్ స్కూల్ నుంచి వ‌చ్చిన మోహిత్ రెహ్మానియాక్ అందించిన సంగీతం, ఖైలాష్ ఖేర్ ఆల‌పించిన సూఫీ సాంగ్‌ ఈ చిత్రానికి ప్ర‌ధాన హైలైట్‌గా నిలుస్తుంది. మ‌ధుర ఆడియో ద్వారా ఈ చిత్ర ఆడియోని రిలీజ్ చేస్తున్నాం. ఈ నెల 14న ఫ‌స్ట్ సింగిల్‌ని రిలీజ్ చేస్తున్నాం` అన్నారు.