`ఆర్ ఎక్స్ 100` చిత్రంతో సంచలన విజయాన్ని సొంతం చేసుకున్నారు యంగ్ హీరో కార్తికేయ గుమ్మకొండ. చిన్న సినిమాగా రిలీజైన ఈ చిత్రం తెలుగులో సంచలన విజయాన్ని సొంతం చేసుకుంది. ఈ సినిమా తరువాత హీరోగా మంచి క్రేజ్ని దక్కించుకున్న కార్తికేయ వరుస క్రేజీ చిత్రాల్లో నటిస్తున్నారు. ఆ తరువాత హీరోగా నటించిన హిప్పీ, గుణ 369 ఆశించిన ఫలితాన్ని అందించలేకపోయినా నటుడిగా మాత్రం మంచి పేరు తెచ్చుకున్నారు.
నాని నటించిన `గ్యాంగ్లీడర్` చిత్రంలో విలన్గా నటించి ఆకట్టుకున్న కార్తికేయకు ప్రస్తుతం అదే తరహా నపాత్రల్లో నటించమని వరుస ఆఫర్లు వస్తున్నాయి. త్వరలో తమిళ చిత్ర పరిశ్రమలోకి కార్తికేయ ఎంటరవుతున్నారని వార్తలు వస్తున్నాయి. తమిళ క్రేజీ హీరో అజిత్ కథానాయకుడిగా `వాలిమై` పేరుతో ఓ చిత్రం రూపొందుతోంది. `ఖాకీ` ఫేమ్ హెచ్ వినోద్ ఈ చిత్రాన్ని రూపొందిస్తున్నారు. ఈ చిత్రంలో విలన్గా నటించమని చిత్ర వర్గాలు కార్తికేయను సంప్రదించినట్టు వార్తలొస్తున్నాయి. తాజాగా కార్తికేయ మరో స్పెషల్ పాత్రలో నటించడానికి అంగీకరించినట్లు తెలిసింది.
విజయ్ దేవరకొండ హీరోగా డ్యాషింగ్ డైరెక్టర్ పూరిజగన్నాథ్ `ఫైటర్` పేరుతో ఓ చిత్రాన్ని ప్లాన్ చేస్తున్న విషయం తెలిసిందే. బాలీవుడ్ ప్రొడ్యూసర్ కరణ్ జోహార్ భాగప్వామిగా వ్యవహరించనున్న ఈ చిత్రం త్వరలోనే ప్రారంభం కాబోతోంది. ఇందులోని ఓ కీలక అతిథి పాత్రలో కార్తికేయ కనిపించనున్నారని తెలిసింది. జాన్వీ కపూర్ కథానాయికగా నటించనున్న ఈ సినిమా తెలుగుతో పాటు తమిళ, హిందీ భాషల్లోనూ విడుదల కానుంది.