మెగాస్టార్ చిరంజీవి నటించిన సైరా నరసింహారెడ్డి చిత్ర ప్రీ రిలీజ్ ఈవెంట్ కు సూపర్ స్టార్ రజనీకాంత్ రానున్నట్లు తెలుస్తోంది. చిరంజీవి , రజనీకాంత్ లు కలిసి ఒక సినిమాలో నటించారు కూడా , ఇక తెలుగులో చిరంజీవి నెంబర్ వన్ హీరోగా వెలుగొందుతున్న సమయంలో తమిళంలో రజనీకాంత్ నెంబర్ వన్ గా కొనసాగాడు.
దాంతో ఇద్దరి మధ్య మంచి స్నేహం ఉంది ఆ స్నేహం తో సైరా వేడుకకు రజనీకాంత్ ని పిలవాలని అనుకున్నాడట చిరు. సైరా నరసింహారెడ్డి బ్రిటిష్ సామ్రాజ్యాన్ని ఎదిరించిన పోరాట యోధుడు దాంతో ఈ సినిమాపై తెలుగునాట భారీ అంచనాలు నెలకొన్నాయి. ఇక ఈ చిత్రాన్ని ఒక్క తెలుగులోనే కాకుండా తమిళ , హిందీ భాషల్లో ఈ చిత్రాన్ని రూపొందిస్తున్న విషయం తెలిసిందే.
అమితాబ్ బచ్చన్ అథితి పాత్ర పోషించడంతో సైరా చిత్రానికి జాతీయ స్థాయిలో కూడా మంచి ఊపొస్తొంది. సెప్టెంబర్ నెలాఖరున భారీ ఎత్తున సైరా నరసింహారెడ్డి ప్రీ రిలీజ్ ఈవెంట్ చేయనున్నారు కాగా ఆ ఈవెంట్ కు రజనీకాంత్ హాజరైతే మెగా ఫ్యాన్స్ కు మరింత కిక్ రావడం ఖాయం.