బాలీవుడ్ హీరో హృతిక్ రోషన్ తన మాజీ భార్య సుసానే ఖాన్ తో ఎంజాయ్ చేస్తున్నాడు .సుసానే ఖాన్ ని పెళ్లి చేసుకొని ఇద్దరు పిల్లలను కన్న తర్వాత ఇద్దరి మధ్య విబేధాలు తారాస్థాయికి చేరడంతో 2014 లో విడాకులు తీసుకున్నారు . 2000 సంవత్సరంలో హృతిక్ రోషన్ – సుసాన్నె ఖాన్ పెళ్లి చేసుకున్నారు అయితే పదమూడేళ్ల కాపురంలో ఎక్కువగా గొడవలు జరగడంతో 2014 ప్రారంభంలో విడాకులు తీసుకున్నారు . అప్పట్లో ఈ ఇద్దరూ విడిపోకుండా ఇరు కుటుంబాల సభ్యులు పెద్ద ఎత్తున ప్రయత్నాలు చేసారు కానీ కుదరలేదు . కట్ చేస్తే కొంతకాలం తర్వాత ఈ ఇద్దరూ కలిసి తమ ఇద్దరు పిలల్లతో కలిసి విహార యాత్రలు చేస్తూ తెగ ఎంజాయ్ చేస్తున్నారు .
ఇప్పటికే పలుమార్లు విహార యాత్రలకు , విదేశీ యాత్రలకు వెళ్లొచ్చిన ఈ జంట తాజాగా మరోసారి బీచ్ కెళ్ళారు . అక్కడ తన ఇద్దరు కొడుకులతో హృతిక్ బీచ్ లో ఆడుకుంటున్న సమయంలో మాజీ భార్య ఆ తతంగమంతా వీడియో తీసిందట ! అది హృతిక్ కు బాగా నచ్చింది దాంతో ఆ వీడియో ని , ఫోటో ని పోస్ట్ చేస్తూ ఇది చాలా ప్రత్యేకం ఎందుకంటే నా మాజీ భార్య తీసింది అంటూ ప్రేమని ఒలకబోస్తున్నాడు హృతిక్ రోషన్ . విడాకులు తీసుకొని ఉప్పు నిప్పులా ఉన్న ఈ ఇద్దరూ గత రెండేళ్లుగా పిల్లలతో కలిసి , వాళ్లకు ప్రేమ పంచాలి అనే కాన్సెప్ట్ తో వీళ్ళు బాగానే ఎంజాయ్ చేస్తున్నారు .
English Title: Hrithik roshan enjoying with ex wife Sussanne khan