మిర్యాలగూడలో ప్రణయ్ హత్య సంచలనం సృష్టించిన విషయం తెలిసిందే . ఇద్దరు ప్రేమికులు పెద్దలను ఎదురించి పెండ్లి చేసుకుంటే అమృత తండ్రి మారుతీరావు ప్రణయ్ ని హత్య చేయించడంతో రాష్ట్ర వ్యాప్తంగా అలజడి చెలరేగింది . ఇక ప్రణయ్ షెడ్యూల్డ్ కులానికి చెందిన వ్యక్తి , క్రిస్టియన్ కూడా కావడంతో ఆ వర్గం నాయకులు పెద్ద ఎత్తున ప్రణయ్ ఇంటికెళ్లి నివాళులు అర్పించడమే కాకుండా మిర్యాలగూడలో ఏకంగా ప్రణయ్ విగ్రహం పెట్టాలని ప్రతిపాదన తెచ్చారు దాంతో హమారా ప్రసాద్ అనే వ్యక్తి ఆగ్రహం వ్యక్తం చేయడమే కాకుండా సంచలన వ్యాఖ్యలు చేసాడు . ఇప్పుడా వ్యాఖ్యలు యు ట్యూబ్ లో దుమారం రేపుతున్నాయి .
ఇంతకీ హమారా ప్రసాద్ ఏమంటున్నాడో తెలుసా ……. ప్రణయ్ విగ్రహం పెట్టొద్దని , అతడు ఏం ఉద్దరించాడని విగ్రహం పెడుతున్నారు? 9 వ తరగతిలోనే ప్రేమించాడని విగ్రహం పెడుతున్నారా ? స్కూల్ కెళ్లే వయసులోనే అమ్మాయిని లేపుకెళ్ళమని చెబుతున్నారా ? పైగా అమృత కు ఎం ఎల్ ఏ సీటు ఇవ్వాలని కొంతమంది అత్యుత్సాహం చూపిస్తున్నారు . అసలు మిమ్మల్ని ఏమనాలి …… రాజకీయాల్లోకి ఎలాంటి వాళ్ళు రావాలి ? మీరు ఎలాంటి వాళ్లని సమర్థిస్తున్నారు ? రాజకీయ నాయకుల్లారా ఖబర్దార్ అంటూ ఆవేశంతో నిప్పులు చెరుగుతున్నాడు ప్రసాద్ . ఓ వీడియో రూపొందించి సోషల్ మీడియాలో వదిలాడు , ఇంకేముంది అది వైరల్ అవుతోంది . ప్రణయ్ ని చంపడం ఎవరూ సమర్ధించరు కానీ పాఠశాల కు వెళ్లే రోజుల్లోనే ప్రేమ అని , పెళ్ళికి ముందే కడుపు చేయమని చెబుతున్నారా ? అంటూ ప్రశ్నల వర్షం కురిపిస్తున్నాడు . ఇక ఈ వీడియో మరింత వివాదం సృష్టించడం ఖాయంగా కనిపిస్తోంది .
https://www.youtube.com/watch?v=umhbOShS_qw