హ్యయ్ ల్యాండ్ కు అగ్రిగోల్డ్ కు ఏమాత్రం సంబంధం లేదని కేసుని తప్పుదోవ పట్టించే కుట్ర చేసిన హ్యయ్ ల్యాండ్ ఎండీ అల్లూరి వెంకటేశ్వర్ రావు ని నిన్న రాత్రి సి ఐ డి పోలీసులు అరెస్ట్ చేసారు . అగ్రిగోల్డ్ పెద్ద ఎత్తున ప్రజల నుండి రకరకాల ఆకర్షణీయమైన పథకాలతో మోసం చేసి పెట్టుబడులను స్వీకరించారు . ప్రజల నుండి వచ్చిన వందల కోట్ల ని పెద్ద ఎత్తున డొల్ల కంపెనీ లను సృష్టించి వాటిలో పెట్టుబడులుగా పెట్టారు . అంతేకాదు హ్యాయ్ ల్యాండ్ లో పెట్టిన పెట్టుబడులు కూడా ప్రజల నుండి సేకరించిన సొమ్మే ! పైగా అగ్రిగోల్డ్ నిర్వాహకులే ఈ హ్యయ్ ల్యాండ్ నిర్వాహకులు కూడా . అయితే ఇటీవలే కోర్టు లో హ్యాక్ ల్యాండ్ కు అగ్రిగోల్డ్ కు సంబంధం లేదని చెప్పడమే కాకుండా తెరవెనుక పెద్ద కుట్ర చేయడంతో ఆ కుట్ర ని చేధించే క్రమంలో రంగప్రవేశం చేసిన ఆంధ్రప్రదేశ్ సి ఐ డి అధికారులు నిన్న అల్లూరి వెంకటేశ్వర్ రావు ని అరెస్ట్ చేసారు .
చట్టంలో ఉన్న లొసుగులను ఆసరాగా చేసుకొని ప్రభుత్వం ని కోర్టు ని ఓ ఆట ఆడిద్దామని చేసిన కుట్ర ని భగ్నం చేసారు పోలీసులు . హ్యయ్ ల్యాండ్ ని వేలం వేయకుండా ఉండటానికి హ్యయ్ ల్యాండ్ కు అగ్రిగోల్డ్ కు సంబంధం లేదని కోర్టుకి తెలిపారు . అయితే ఇవన్నీ అగ్రిగోల్డ్ కి సంబంధించినవే అని ఇప్పటికే సి ఐ డి అధికారులు నిర్దారణకు వచ్చారు . ఇక వేలం వేయడమే తరువాయి అన్న సమయంలో ఇలా కుట్ర కు తెరలేపారు . దాంతో హ్యయ్ ల్యాండ్ వేలం కొద్దిరోజుల పాటు నిలిచిపోనుంది . ప్రజల నమ్మకాన్ని వమ్ముచేసిన అగ్రిగోల్డ్ నిర్వాహకుల పట్ల ప్రజలు తీవ్ర ఆగ్రహంగా ఉన్నారు . అల్లూరి వెంకటేశ్వర్ రావు అరెస్ట్ తో తమకు న్యాయం జరుగుతుందని ఆశిస్తున్నారు .
English Title: Haailand MD arrested in agrigold case
