ప్రభాస్ హీరోగా యువీ క్రియేష‌న్స్ బ్యాన‌ర్‌పై నిర్మాత‌లు వంశీ, ప్ర‌మోద్ ఓ భారీ చిత్రాన్ని నిర్మిస్తున్న విష‌యం తెలిసిందే. `జిల్‌` ఫేమ్ రాధాకృష్ణ‌కుమార్ ఈ చిత్రానికి ద‌ర్శ‌క‌త్వం వ‌హిస్తున్నాడు. పూజా హెగ్డే క‌థానాయిక‌గా న‌టిస్తోంది. ఇట‌లీ, స్పెయిన్, జార్జియా వంటి దేశాల్లో క‌రోనా వైర‌స్ అప్పుడ‌ప్పుడే వ్యాప్తి చెందుతున్న నేప‌థ్యంలో జార్జియాకు వెళ్లి షూటింగ్ చేసి వచ్చింది యువీ టీమ్.
ఆ స‌మ‌యంలో భార‌త్‌లో క‌రోనా వైర‌స్ కేసులు లేక‌పోవ‌డం, జార్జియాలో అత్య‌తం వేగంగా ప్ర‌బ‌లుతుండ‌టంలో వెంట‌నే తేరుకున్న చిత్ర బృదం అక్క‌డ షెడ్యూల్‌ని వేగంగా పూర్తి చేసుకుని ఇండియా తిరిగి వ‌చ్చేసింది. ఈ చిత్రానికి సంబంధించిన ఫ‌స్ట్ లుక్ టైటిల్ లోగోని చిత్ర బృందం ఉగాదికి విడుద‌ల చేస్తుంద‌ని ఫ్యాన్స్ ఎదురుచూశారు. కానీ అది జ‌ర‌గ‌లేదు. ఇప్ప‌టికీ ఎలాంటి అప్‌డేట్ లేక‌పోవ‌డంతో ఈ సినిమా టీమ్‌పై ప్రభాస్ ఫ్యాన్స్ ఆగ్ర‌హం వ్య‌క్తం చేయ‌డం మొద‌లుపెట్టారు.
దీంతో యువీ టీమ్ ఎట్ట‌కేల‌కు స్పందించింది. ప్ర‌స్తుతం మీరు, మేము ఓ మ‌హ‌మ్మారి మ‌ధ్య చిక్కుకుని వున్నాము. ప్రస్తుత ప‌రిస్థితుల కార‌ణంగా చాలా మంది ప్రాణాలు ప్ర‌మాదంలో వున్నాయి. ప్రస్తుత ప‌రిస్థితుల కార‌ణంగా మా కార్య‌క‌లాపాల‌న్నింటినీ ఆపేశాము. అంతా స‌ద్దుకున్నాక మ‌రిన్ని అప్‌డేట్స్‌తో మీ ముందుకొస్తామ‌ని ప్రామిస్ చేస్తున్నాం. ఈ స‌మ‌యంలో ప్ర‌తీ ఒక్క‌రూ ఇంట్లోనే వుండండి.. సుర‌క్షితంగా వుండండి` అని ట్వీట్ చేశారు.
We are amidst a global pandemic and many lives are at stake due to the current situation. Owing to the current situation, we have paused all our activities. After all this is over, we promise to come up with many more updates. We urge everyone to stay home & stay safe! #Prabhas20
— UV Creations (@UV_Creations) April 7, 2020
Credit: Twitter