ప్రియదర్శి కొత్త బాట పట్టాడు. కమెడియన్గా, క్యారెక్టర్ ఆర్టిస్ట్గా అనతి కాలంలోనే మంచి గుర్తింపుని సొంతం చేసుకున్న దర్శి కొత్త మార్గాన్ని ఎంచుకున్నాడు. సినిమాల్లో నటిస్తూనే వెబ్ బాట పట్టాడు. డిజిటల్ రంగం విస్తరిస్తున్న ఈ నేపథ్యంలో సినిమా షూటింగ్లకు, థియేటర్ల ఓపెనింగ్కి మరో నాలుగైదు నెలలు పట్టే అవకాశం వుండటంతో తారలంతా కొత్త మార్గాల్ని అన్వేషిస్తున్నారు.
తమ ఎగ్జిస్టింగ్ కోసం కొత్త దారులు వెతుక్కుంటున్నారు. అందులో భాగంగా ఈ విపత్కర పరిస్థితుల్లో పేరున్న నటులకు కనిపిస్తున్న ఏకైక మార్గం వెబ్ సిరీస్. ఇప్పుడు దర్శీ కూడా అదే బాటపట్టాడు. `పెళ్లిచూపులు` చిత్రంలోని `నా చావు నేను చస్తా నీ కెందుకు`.. ఈ డైలాగ్తో పాపులర్ అయిన ప్రియదర్శి పులికొండ స్పానిష్ చిత్రం `వైజెంట్ ఫెర్రర్`తో నటుడిగా తన ప్రస్థానాన్ని ప్రారంభించాడు.
తక్కువ టైమ్లోనే తన డైలాగ్ డెలివరీతో పాపులర్ అయిన ప్రియదర్శి నటించిన `వి` చిత్రం విడుదలకు సిద్ధంగా వుంది. మరో చిత్రం `జాతి రత్నాలు` చిత్రీకరణ దశలో వుంది. ఇదిలా వుండగానే `లూజర్` వెబ్ సిరీస్తో డిజిటల్ రంగంలోకి ఎంటరవుతున్నాడు. ప్రియదర్శి, శశాంక్, `రాజన్న` అన్నీ, కల్పిక కీలక పాత్రల్లో నటిస్తున్న ఈ వెబ్ స్పోర్ట్స్ డ్రామా మే 15 నుంచి డిజిటల్ ఓటీటీ ప్లాట్ ఫామ్ జీ5లో స్ట్రీమింగ్ కాబోతోంది.