బాలీవుడ్ మాజీ నటి పర్హీన్ పై దోపిడీ దొంగలు దాడి చేసి విలువైన వస్తువులను దోచుకెళ్లారు అది కూడా దేశ రాజధాని న్యూ ఢిల్లీ లో జనాలు ఉన్న చోటే కావడంతో తీవ్ర షాక్ కి గురయ్యింది పర్హీన్ . సంచలనం సృష్టించిన ఈ సంఘటన న్యూ ఢిల్లీ లో జరిగింది . సర్వప్రియ విహార్ లో నివాసం ఉండే పర్హీన్ షాపింగ్ కోసం దక్షిణ ఢిల్లీ లోని సెలెక్ట్ సిటీ వాక్ మాల్ కు తన కారులో వెళ్తున్న సమయంలో ట్రాఫిక్ సిగ్నల్ వద్ద ఓ దొంగల ముఠా ఎదురు తగిలింది .
వాళ్లతో వాగ్వాదానికి దిగిన పర్హీన్ పై దాడికి పాల్పడ్డారు . ఆమె వద్ద ఉన్న 16 వేల నగదు తో పాటు సెల్ ఫోన్ లను అలాగే ఇతర విలువైన వస్తువులను దోచుకెళ్లారు . ట్రాఫిక్ సిగ్నల్ వద్దే దొంగల ముఠా ఇంత పని చేయడంతో తీవ్ర షాక్ కి లోనయ్యింది , అయితే ఓ మిలిటరీ అధికారి పర్హీన్ కు చేసిన సహాయంతో ఈ విషయం పోలీసులకు తెలిసింది . ట్రాఫిక్ సిగ్నల్ వద్దే ఈ సంఘటన జరగడంతో కేసు నమోదు చేసుకున్న పోలీసులు సీసీ ఫుటేజ్ తో దొంగల భరతం పట్టే పనిలో పడ్డారు . ఇంతకీ ఈ బాలీవుడ్ మాజీ నటి పర్హీన్ ఎవరి భార్యో తెలుసా …… మాజీ క్రికెటర్ మనోజ్ ప్రభాకర్ భార్య .
English Tite: Bollywood actress Farheen robbed