కింగ్ నాగార్జున నటించిన ఇన్వెస్టిగేటివ్ యాక్షన్ థ్రిల్లర్ `వైల్డ్ డాగ్`. ఈ మూవీ ఏప్రిల్ 2న వరల్డ్ వైడ్గా రిలీజ్కి రెడీ అవుతున్న నేపథ్యంలో తన నెక్స్ట్ మూవీని పట్టాలెక్కించేందుకు నాగ్ సిద్ధమవుతున్నారు. గతంలో వచ్చిన `సోగ్గాడే చిన్ని నయానా` నాగ్ కెరీర్లో తిరుగులేని హిట్గా నిలిచి 50 కోట్ల క్లబ్లో చేరింది. ఇదే చిత్రానికి సీక్వెల్గా `బంగార్రాజు` చిత్రాన్ని ప్రకటించారు.
ఈ మూవీ ప్రకటించి ఇప్పటికి చాలా కాలం అయ్యింది. ఈ కొత్త ప్రాజెక్ట్ అనేక కారణాల వల్ల ఆలస్యం అవుతూ వస్తోంది. అన్ని అడ్డంకులు తొలగిపోయాయని, త్వరలోనే షూటింగ్ ప్రారంభించాలని మేకర్స్ యోచిస్తున్నారని వార్తలు వినిపిస్తున్నాయి. ఇటీవల స్వయంగా నాగార్జున ఈ చిత్రాన్ని జూన్ లేదా జూలై నుంచి ప్రారంభించబోతున్నామని ప్రకటించారు కూడా.
ఈ చిత్రంలో నటి భూమికా చావ్లా కీలక పాత్ర పోషించే ఆలోచనలో ఉందని తాజాగా వినిపిస్తోంది. ప్రస్తుతం నటితో చర్చలు జరుగుతున్నాయని ఆమె ఈ ప్రాజెక్ట్కు ఫైనల్గా సంతకం చేసిన తర్వాత అధికారిక ప్రకటన రానుందని తెలిసింది. భూమిక, నాగార్జున ఇంతకుముందు `స్నేహమంటే ఇదేరా` చిత్రంలో కలిసి నటించారు. రెండు దశాబ్దాల తరువాత ఈ చిత్రంలో మళ్లీ నాగ్, భూమిక కలిసి నటించబోతున్నారు. ఈ ప్రాజెక్ట్కు కళ్యాణ కృష్ణ దర్శకుడిగా వ్యవహరించనున్నారు. నాగ్ అన్నపూర్ణ స్టూడియోస్ పతాకంపై దీనిని నిర్మిస్తున్నారు.