1993 లో నందమూరి బాలకృష్ణ నటించిన బంగారు బుల్లోడు చిత్రం విడుదలై సంచలన విజయం సాధించింది . రవిరాజా పినిశెట్టి దర్శకత్వంలో వచ్చిన ఆ సినిమాని జగపతిబాబు తండ్రి నిర్మించాడు . కాగా ఇన్నాళ్ల తర్వాత ఆ టైటిల్ తో కెమెడీ హీరో అల్లరి నరేష్ అదే టైటిల్ తో ఓ సినిమా చేస్తున్నాడు . గత ఏడేళ్లుగా అల్లరి నరేష్ కు హిట్ లేదు దాంతో హిట్ కోసం బాలయ్య బాబు నటించిన బంగారు బుల్లోడు టైటిల్ ని పెట్టుకుంటున్నాడు అల్లరి నరేష్ .
చాలా కాలంగా హిట్ అనేది అల్లరి నరేశ్ కు తెలీదు దాంతో రేసులో లేకుండా పోయాడు ఈ హీరో . సక్సెస్ కోసం ఎంతగా ప్రయత్నాలు చేస్తున్నప్పటికీ పాపం అది అందని ద్రాక్షే అవుతోంది . ఇక సక్సెస్ లేకపోవడంతో ప్రస్తుతం మహేష్ బాబు మహర్షి చిత్రంలో కీలక పాత్ర ఒకటి చేస్తున్నాడు . ఆ సినిమాతో మళ్ళీ ట్రాక్ లోకి వస్తానని ఆశిస్తున్నాడు అందుకే ఆ సినిమా తర్వాత బంగారు బుల్లోడు చిత్రాన్ని విడుదల చేయడానికి సన్నాహాలు చేస్తున్నాడు . గిరి అనే కొత్త దర్శకుడు బంగారు బుల్లోడు చిత్రంతో దర్శకుడిగా పరిచయం కానున్నాడు .
English Title: Bangaru bullodu title for allari naresh next film