నందమూరి బాలకృష్ణ ఈరోజు తన పుట్టినరోజును జరుపుకుంటున్నారు. 61వ ఏట అడుగుపెడుతున్న బాలయ్య ప్రస్తుతం 106వ చిత్రాన్ని చేస్తోన్న విషయం తెల్సిందే. బోయపాటి శ్రీను దర్శకత్వంలో అఖండ చిత్రాన్ని చేస్తున్నాడు బాలకృష్ణ. ఈ సినిమా షూటింగ్ దాదాపుగా పూర్తి కావొచ్చింది.
ఇదిలా ఉంటే బాలకృష్ణ పుట్టినరోజు సందర్భంగా 107వ చిత్రాన్ని అనౌన్స్ చేసారు. ముందు నుండీ ప్రచారం జరుగుతున్నట్లుగానే క్రాక్ దర్శకుడు గోపీచంద్ మలినేనితో బాలయ్య వర్క్ చేయనున్నాడు. ఈ కమర్షియల్ ఎంటర్టైనర్ ను మైత్రి మూవీ మేకర్స్ సంస్థ నిర్మించనుంది.
అనౌన్స్మెంట్ వీడియోలో బాలయ్య మార్క్ సింహాన్ని మెయిన్ గా ఫోకస్ చేసారు. హంట్ స్టార్ట్స్ సూన్ అని ప్రకటించారు. ఈ చిత్రానికి ఎస్ ఎస్ థమన్ సంగీతం అందించనున్నాడు. బాలయ్య ప్రస్తుత సినిమా అఖండ, గోపీచంద్ మలినేని లాస్ట్ చిత్రం క్రాక్ కు కూడా థమన్ సంగీతం అందించడం విశేషం.
ఈ చిత్రానికి సంబంధించిన మరిన్ని విశేషాలు త్వరలోనే తెలుస్తాయి.
Happy birthday to balaiah babu garu…eagerly waiting to meet you on sets soon sir..to feel the roar in live..????????????#NBK107 @MythriOfficial ????@MusicThaman #HappyBirthdayNBK ????https://t.co/171NvSWZOk
— Gopichandh Malineni (@megopichand) June 10, 2021
