ఫీమేల్ ఓరియెంటెడ్ చిత్రాలకు పెట్టింది పేరైన నయనతార నుండి వచ్చిన తాజా చిత్రం నెట్రికన్. ఈ సినిమా డైరెక్ట్ ఓటిటి రిలీజ్ అయింది. డిస్నీ ప్లస్ హాట్ స్టార్ లో ఈ సినిమా స్ట్రీమింగ్ అవుతోంది. ఈ చిత్రాన్ని మిలింద్ రౌ డైరెక్ట్ చేయగా విగ్నేష్ శివన్ రౌడీ పిక్చర్స్ బ్యానర్ పై రీమేక్ చేసాడు. 2011 కొరియన్ క్రైమ్ డ్రామా బ్లైండ్ కు రీమేక్ గా ఈ సినిమా తెరకెక్కింది.
నయనతార పెర్ఫార్మన్స్ కు సూపర్బ్ రెస్పాన్స్ రాగా ఈ చిత్రం డీసెంట్ క్రైమ్ థ్రిల్లర్ అనిపించుకుంది. ఇప్పుడు ఈ చిత్రం తెలుగులో రీమేక్ అవుతుంది అని వార్తలు మొదలయ్యాయి. తెలుగులో లేడీ ఓరియెంటెడ్ సినిమాలకు కేరాఫ్ అడ్రెస్ గా మారిన అనుష్క శెట్టి ఈ రీమేక్ లో నటిస్తుందట. పాపులర్ హీరో అడివి శేష్ ఈ చిత్రాన్ని రీమేక్ చేస్తాడని అంటున్నారు.
అనుష్క నటించిన ఆఖరి తెలుగు చిత్రం నిశ్శబ్దం. రీసెంట్ గా ఆమె నవీన్ పోలిశెట్టి హీరోగా యూవీ క్రియేషన్స్ బ్యానర్ లో సినిమాను ఓకే చేసింది.