అక్కినేని నాగార్జున కు చెందిన అన్నపూర్ణ స్టూడియోస్ లో అక్కడ పనిచేస్తున్న నారాయణ రెడ్డి ( 53) అనుమానాస్పద మృతి సంచలనం సృష్టిస్తోంది . అన్నపూర్ణ స్టూడియో లో పనిచేస్తున్న నారాయణ రెడ్డి అనుమానాస్పదంగా మృతి చెందడంతో వెంటనే ఆ డెడ్ బాడీ ని ఉస్మానియా ఆసుపత్రికి హుటాహుటిన తరలించారు . నారాయణ రెడ్డి ని హత్య చేసారా ? లేక ఏదైనా అనారోగ్యంతో చనిపోయాడా ? అన్న విషయం స్పష్టంగా తెలియకుండానే డెడ్ బాడీ ని అన్నపూర్ణ స్టూడియో నుండి తరలించడం వివాదాస్పదం అవుతోంది .
దాంతో మృతుడి బంధువులు ఉస్మానియా ఆసుపత్రి వద్ద ఆందోళన కు దిగారు . నారాయణరెడ్డి మరణ వార్త మాకు తెలియజేయకుండానే ఉస్మానియా కు డెడ్ బాడీ ని ఎలా తరలిస్తారని ? నారాయణరెడ్డి మృతి లో మాకు అనుమానాలు ఉన్నాయని వాటిని నివృత్తి చేయాల్సిన అవసరం పోలీసులకు ఉందని డిమాండ్ చేస్తున్నారు . ఈ మృతి పై పోలీసులు ఆరా తీస్తున్నారు .