అల్లు అర్జున్ సుకుమార్ కాంబో సినిమా అంటేనే అదో డిఫరెంట్ అటెంప్ట్ అని ఫిక్స్ అవ్వాల్సిందే. ఆ ప్రయత్నంలోనే ఆర్య, ఆర్య 2 వచ్చాయి. అయితే ఆ రెండు సినిమాలు యూత్ ఆడియెన్స్ కు దగ్గరయ్యేలా చేసిన సినిమాలు. పెరిగిన అల్లు అర్జున్ ఇమేజ్ ను దృష్టిలో పెట్టుకుని పుష్ప కథ రాసుకున్నాడు సుకుమార్. పుష్ప సినిమాతో కెరియర్ లో మొదటిసారి పాన్ ఇండియా అటెంప్ట్ చేస్తున్నాడు అల్లు అర్జున్.
అంచనాలకు ఏమాత్రం తగ్గకుండా చూసుకుంటున్నాడు సుకుమార్. సినిమాకు హైలెట్ గా నిలిచేలా దేవి శ్రీ ప్రసాద్ మ్యూజిక్ ఉంటుందని అర్ధమవుతుంది. ఇప్పటికే 3 సాంగ్స్ ఇరగ్గొట్టేయగా ఇప్పుడు నాల్గవ సాంగ్ ఏ బిడ్డా ఇది నా అడ్డా అంటూ ఊర మాస్ సాంగ్ తో వచ్చారు. మాస్ సాంగ్.. అందుకు తగినట్టుగానే లిరిక్స్.. ఏమాత్రం తగ్గని హీరో యాటిట్యూడ్ అబ్బో ఇవన్ని ఈ పాటకి ప్లస్సే.
ఇక లిరిక్ లో ఉన్నట్టు ఏ బిడ్డా ఇది నా అడ్డా కాదు అల్లు అర్జున్ రికార్డుల అడ్డా అనేలా ఉంది. అంతేకాదు మాస్ నాటు పాటతో అల్లు అర్జున్ రికార్డుల వేట కూడా ఊర నాటు రేంజ్ లో ఉంటుందని అర్ధమవుతుంది. డిసెంబర్ 17న రిలీజ్ అవుతున్న ఈ సినిమా ఎలాంటి సంచలనాలను సృష్టిస్తుందో చూడాలి.
