యూఎస్ మార్కెట్ అనగానే గుర్తొచ్చేది సూపర్ స్టార్ మహేష్ బాబు. ఈ హీరో నటించిన ఏ చిత్రమైనా టాక్ తో సంబంధం లేకుండా 1 మిలియన్ డాలర్ ను మార్క్ ను చేరుకుంటాయి. అయితే మొదట్లో మహేష్ బాబు సినిమాకు భారీ కలెక్షన్స్ వచ్చిన నేపథ్యంలో భారీ రేట్లకు మహేష్ చిత్రాలను కొనుగోలు చేయడం మొదలుపెట్టారు. ఈ నేపథ్యంలో మహేష్ సినిమాలు బ్రేక్ ఈవెన్ కు కొంచెం దూరంలో వచ్చి ఆగిపోతుండేవి. మహేష్ బాబు నటించిన మహర్షి చిత్రం దీనికి ఉదాహరణ. ఈ చిత్రాన్ని యూఎస్ లో 3 మిలియన్ డాలర్ కు బిజినెస్ చేసారు. అయితే తెలుగు రాష్ట్రాల్లో భారీ కలెక్షన్స్ సాధించిన ఈ చిత్రం యూఎస్ లో 2 మిలియన్ డాలర్ మార్క్ కు కొంచెం దూరంలో ఆగిపోయింది. ఇప్పుడు సరిలేరు నీకెవ్వరు విషయంలో కూడా ఇదే జరిగేలా ఉంది. దీనికి కూడా యూఎస్ లో 3 మిలియన్ డాలర్ బిజినెస్ జరిగింది.
ఈ చిత్రం మొదట్లో ఇక్కడ భారీ ఓపెనింగ్స్ తెచ్చుకుంది. అయితే నిన్న ఈ చిత్ర కలెక్షన్స్ లో భారీ డ్రాప్ కనిపించింది. 164 లొకేషన్స్ నుండి ఈ చిత్రం $32,560 ను వసూలు చేసింది. దీంతో మొత్తం $1,825,558. దీంతో ఫుల్ రన్ 2 మిలియన్ డాలర్స్ ను దాటేలా కనిపిస్తోంది కానీ 3 మిలియన్ మార్క్ ను చేరుకోవడం దాదాపు అసాధ్యం.
మరోవైపు బన్నీ చిత్రం ఇక్కడ బ్రేక్ ఈవెన్ కు చేరుకోవడం ఖాయంగా కనిపిస్తోంది. అల వైకుంఠపురములో యూఎస్ లో 2 మిలియన్ డాలర్ బిజినెస్ చేసింది. నిన్నటితో ఈ చిత్రం $1,882,973 సాధించింది. ఇంకా అక్కడ వసూళ్లు నిలకడగా ఉన్నాయి. 147 లొకేషన్స్ లో నిన్న ఒక్క రోజే ఈ చిత్రం $102,160 సాధించింది. చూస్తుంటే ఫుల్ రన్ లో 3 మిలియన్ డాలర్ వసూలు చేసినా ఆశ్చర్యం లేదు. ఇక్కడ త్రివిక్రమ్ బ్రాండ్ నేమ్ అల వైకుంఠపురములో కి బాగా కలిసొచ్చిందనే చెప్పాలి.