యాంకర్ ప్రదీప్ కు తెలుగు బుల్లితెరపై ప్రత్యేక స్థానం ఉంది. అంచెలంచలుగా ఎదుగుతూ ప్రదీప్ ఈరోజు టాప్ యాంకర్స్ లో ఒకడిగా స్థిరపడ్డాడు. షోస్ లో హోస్ట్ గా చేయడమే కాకుండా కొంచెం టచ్ లో ఉంటే చెప్తా అనే సెలబ్రిటీ టాక్ షో ను సొంతంగా నిర్వహిస్తున్నాడు ప్రదీప్. ఈ షో నాలుగు సీజన్లుగా విజయవంతంగా రన్ అవుతోంది. ప్రదీప్ కామెడీ టైమింగ్, కామెడీ పేరిట అతి చేయకపోవడం, ఎదుటివారిని ఇబ్బంది పెట్టకుండా షో రన్ చేయడం వంటివి అతణ్ణి టాప్ స్థాయిలో నిలబెట్టాయి. అయితే విజయవంతంగా తన కెరీర్ ను ముందుకు తీసుకెళుతున్న ప్రదీప్ కు సడెన్ గా ఏమైంది అంటూ అందరూ అనుకుంటున్నారు. దీనికి కారణం సడెన్ గా ప్రదీప్ బయట ఎక్కడా కనిపించకపోవడమే. ఢీ డ్యాన్స్ షో తో పాటు కొంచెం టచ్ లో ఉంటే చెప్తా షో ను కూడా ప్రస్తుతం రన్ చేస్తోన్న ప్రదీప్ లైమ్ లైట్ కు దూరంగా వెళ్ళిపోయాడు.
ప్రదీప్ కు ఏదో అనారోగ్య సమస్య వచ్చిందని వార్తలు వచ్చాయి. ఢీ షో లో ప్రదీప్ స్థానంలో వచ్చిన యాంకర్ రవి కూడా ప్రదీప్ త్వరలోనే వస్తాడని ప్రస్తుతం తనకొచ్చిన అనారోగ్యానికి చికిత్స తీసుకుంటున్నాడని చెప్పుకొచ్చాడు. అయితే ఆ కొన్నాళ్ళు చాలా రోజులుగా మారిపోయింది. అయినా ఎక్కడా ప్రదీప్ జాడ తెలియలేదు. అభిమానులు ఎంతలా ప్రదీప్ కోసం ఎదురుచూసినా ఫలితం లేకపోయింది. దీంతో కొత్తగా ప్రదీప్ కు అనారోగ్య సమస్య ఒక్కటే కారణం కాదని, ఏదో సమస్యతో ప్రదీప్ ఇబ్బంది పడుతున్నాడంటూ సోషల్ మీడియాలో కొంత మంది వాదిస్తున్నారు.
ప్రదీప్ కు డెంగ్యూ వచ్చిందని వార్తలు వచ్చాయి. డెంగ్యూ అయి ఉంటే ఈ పాటికి కోలుకునేవాడు కదా అంటూ లాజిక్స్ తీస్తున్నారు. అయినా అనారోగ్య సమస్య కారణమైతే కనీసం సోషల్ మీడియాలో ఇదీ ఇబ్బంది అని పోస్ట్ చేసేవాడు, కానీ ప్రదీప్ సోషల్ మీడియాకు కూడా దూరంగా గడుపుతున్నాడు. దీంతో ప్రదీప్ అభిమానుల్లో అతనికి ఏమైంది అంటూ ఆందోళన కనిపిస్తోంది.
ఏదేమైనా ప్రదీప్ లేని లోటు బుల్లితెరపై బాగా తెలుస్తోందని వారు వ్యాఖ్యానిస్తున్నారు. వారు అన్నదాంట్లో కూడా లాజిక్ ఉంది. అనారోగ్య సమస్య చిన్నదైతే ఈపాటికి కోలుకుని తిరిగి వచ్చేవాడు. లేదా కనీసం అభిమానులకు ఏమైందో వివరణ ఇచ్చేవాడు. ఇలా ఏ సమాచారం లేకుండా ప్రదీప్ ఏమైపోయినట్లు అంటూ అందరూ అనుకోవడం ఎక్కువైంది. యాంకర్స్ లో ప్రదీప్ స్థాయి ఏంటనేది ఈ విషయం మరోసారి రుజువుచేస్తోంది. ఏదేమైనా ప్రదీప్ కు వచ్చిన సమస్య చిన్నదే అవ్వాలని, అతను త్వరలో తిరిగి రావాలని, తన పూర్వ వైభవాన్ని అందుకోవాలని మనం కోరుకుందాం.