యంగ్ టైగర్ ఎన్టీఆర్ నటించిన అరవింద సమేత వీర రాఘవ చిత్రంపై సోషల్ మీడియాలో రచ్చ రచ్చ అవుతోంది . అరవింద సమేత వసూళ్లు అన్నీ రాంగ్ అని ఫ్లాప్ అయ్యిందని , వసూళ్లు రాకపోయినా వంద కోట్ల షేర్ సాధించినట్లు చూపిస్తున్నారు అంటూ ఎన్టీఆర్ యాంటీ ఫ్యాన్స్ పండగ చేసుకుంటున్నారు దాంతో ఎన్టీఆర్ ఫ్యాన్స్ ఊర్కుంటారా వాళ్ళు కూడా ఎదురు దాడి చేస్తూ లెక్కలు చూపిస్తున్నారు . అయితే ఈ లెక్కలన్నీ తప్పని వాదన చేస్తున్నారు యాంటీ ఫ్యాన్స్ . మొత్తానికి అరవింద సమేత వీర రాఘవ సక్సెస్ ఏమో కానీ వివాదాలతో సోషల్ మీడియాలో రచ్చ అవుతోంది .
త్రివిక్రమ్ దర్శకత్వంలో తెరకెక్కిన అరవింద సమేత కు దసరా సెలవులు తోడయ్యాయి దాంతో భారీ వసూళ్లు వచ్చాయి . మొదటి మూడు రోజులు బాగానే వసూల్ చేసినప్పటికీ ఆ తర్వాత జోరు తగ్గింది . అయితే దసరా సెలవులు కాబట్టి బయ్యర్లకు నష్టాలు రాకుండా చేయడంలో సఫలం అయ్యింది . ఓవర్ సీస్ లో నష్టాలు తప్పడం లేదు కాకపోతే పెద్ద నష్టం కాదు కాబట్టి సర్దుకుపోతున్నారు . ఇక నైజాం లో తప్ప మిగతా ఏరియాలు బ్రేక్ ఈవెన్ కాలేదు కాకపోతే పెట్టిన పెట్టుబడి తిరిగి రాబట్టుకునే పనిలో ఉన్నారు . ఒకవేళ మొత్తం సొమ్ము తిరిగి రాకపోయినా కొద్దిపాటి తేడా మాత్రమే వస్తుంది కాబట్టి ఇక్కడ ఫరవాలేదు . నిర్మాతకు ఎలాగూ సినిమా రిలీజ్ కి ముందే భారీగా లాభాలు వచ్చాయి కానీ బయ్యర్లకు మాత్రమే అంతగా గిట్టుబాటు కాలేదు .
English Title: War between ntr fans and anti fans