కొన్ని సినిమాలు ఎప్పుడు ఎలా బ్లాక్ బ‌స్ట‌ర్‌లుగా నిలుస్తాయో ఎవ‌రూ ఊహించ‌లేదు. కొన్ని బ్లాక్ బ‌స్ట‌ర్స్ అయ్యే అవ‌కాశం వున్నా స‌మ‌యం క‌లిసి రాక‌పోవ‌డంతో జ‌స్ట్ హిట్‌లుగానే మిగిలిపోతుంటాయి. 2019 సంక్రాంతికి విడుద‌లై బ్లాక్ బ‌స్ట‌ర్ హిట్‌ని సొంతం చేసుకున్న చిత్రం `ఎఫ్‌2`. అనిల్ రావిపూడి ద‌ర్శ‌క‌త్వం వ‌హించాడు. దిల్ రాజు నిర్మించారు.
విక్ట‌రీ వెంక‌టేష్‌, వ‌రుణ్‌తేజ్ తొలిసారి క‌లిసి న‌టించిన మ‌ల్టీస్టార‌ర్ చిత్ర‌మిది. బాక్సాఫీస్ వ‌ద్ద అనూహ్యంగా ఈచిత్రం బ్లాక్ బ‌స్ట‌ర్ హిట్‌ని సొంతం చేసుకోవ‌డ‌మే కాకుండా వంద కోట్ల క్ల‌ప్‌లో చేరింది. అయితే ఈ సినిమా ఓ యంగ్ హీరోకు 15 నిమిషాల‌కే బుర్ర హీటెక్కించేసింద‌ట. దాంతో వెంట‌నే థియేట‌ర్ నుంచి బ‌య‌టికి వ‌చ్చేశాడ‌ట.
అలా బ‌య‌టికి వ‌చ్చిన ఆ యంగ్ హీరో మ‌రెవ‌రో కాదు విశ్వ‌క్‌సేన్‌. వెళ్లిపోమాకే, ఈ న‌గ‌రానికి ఏమైంది. ఫ‌ల‌క్‌నుమాదాస్, రీసెంట్‌గా `హిట్` వంటి చిత్రాల‌తో హీరోగా త‌న‌కంటూ సెప‌రేట్ క్రేజ్‌ని సొంతం చేసుకున్నాడు. అత‌నికి `ఎఫ్‌2` న‌చ్చ‌లేద‌ట. ఈ విష‌యాన్ని ఓ టాక్ షోలో నిర్మొహ‌మాటంగా చెప్పేశాడు. అయితే త‌న‌కు న‌చ్చ‌నంత మాత్రాన అది చెడ్డ సినిమా కాద‌ని, బాక్సాఫీస్ వ‌ద్ద అదే చిత్రం భారీ వ‌సూళ్ల‌ని రాబ‌ట్టింద‌ని చెప్ప‌డం విశేషం.