తమిళ సూపర్ స్టార్ విజయ్ టాలీవుడ్ డెబ్యూ ఇస్తోన్న విషయం తెల్సిందే. మహర్షి తర్వాత లాంగ్ బ్రేక్ తీసుకున్న దర్శకుడు వంశీ పైడిపల్లి విజయ్ సినిమాను డైరెక్ట్ చేయబోతున్నాడు. టాలీవుడ్ అగ్ర నిర్మాత దిల్ రాజు ఈ భారీ చిత్రాన్ని నిర్మిస్తున్నాడు. టాలీవుడ్ కాకుండా ఇతర భాషల్లో కూడా సినిమాలు నిర్మించేందుకు సన్నాహాలు చేస్తున్నాడు దిల్ రాజు.
ఇటీవలే రామ్ చరణ్ – శంకర్ చిత్రాన్ని నిర్మిస్తున్నట్లు ప్రకటించిన ఈయన ఇప్పుడు విజయ్ – వంశీ పైడిపల్లి మూవీని నిర్మించనున్నాడు. అయితే ఈ సినిమా కోసం విజయ్ కు భారీ పారితోషికం ఇవ్వాల్సి వచ్చిందట. ఏకంగా 80 కోట్ల పారితోషికాన్ని విజయ్ ఈ ద్విభాషా చిత్రం చేయడం ద్వారా అందుకుంటున్నట్లు తెలుస్తోంది.
స్క్రిప్ట్ విన్న తర్వాత 10 కోట్లను అడ్వాన్స్ గా అందుకున్నాడట విజయ్. ప్రస్తుతం చేస్తోన్న సినిమా తర్వాత విజయ్ ఈ ద్విభాషా చిత్రాన్ని టేకప్ చేయబోతున్నాడు. మరిన్ని వివరాలు త్వరలో తెలుస్తాయి.