విజయ్ దేవరకొండ ప్రస్తుతం తన కెరీర్ పరంగా లో ఫేజ్ లో ఉన్నాడు. రీసెంట్ గా మన రౌడీ హీరో చేసిన సినిమాలేవీ ప్రేక్షకులను మెప్పించలేకపోయాయి. లాస్ట్ సినిమా వరల్డ్ ఫేమస్ లవర్ అయితే దారుణ పరాజయాన్ని మూటగట్టుకుంది. ఈ నేపథ్యంలో విజయ్ దేవరకొండ తన ఆశలన్నీ ప్రస్తుతం చేస్తోన్న పూరి జగన్నాథ్ సినిమాపైనే పెట్టాడు. పూరి జగన్నాథ్ కూడా ఈ చిత్రాన్ని చాలా ప్రతిష్టాత్మకంగా తీసుకున్నాడు.
జెట్ స్పీడ్ వేగంతో షూటింగ్ లను పూర్తి చేసే పూరి, ఈ సినిమాకు మాత్రం కావాల్సినంత టైమ్ తీసుకోవాలని నిర్ణయించుకున్నాడు. తాజా సమాచారం ప్రకారం ఇప్పటికి ఈ సినిమా 40 రోజుల వర్కింగ్ డేస్ ను పూర్తి చేసుకుంది. ఈ 40 రోజులలో రెండు అత్యంత భారీ యాక్షన్ సన్నివేశాలను తెరకెక్కించినట్లు సమాచారం. అలాగే పలు సీన్లను కూడా షూట్ చేసారు.
ఈ చిత్రంలో విజయ్ దేవరకొండ సరసన అనన్య పాండే హీరోయిన్ గా నటిస్తోన్న విషయం తెల్సిందే. అలాగే రమ్య కృష్ణ, అలీ, రోనిత్ రాయ్ ఈ చిత్రంలో కీలక పాత్రలో పోషిస్తున్నారు. మరికొన్ని రోజులు ఈ చిత్ర షూటింగ్ ముంబైలోనే కొనసాగే అవకాశాలు ఉన్నాయి. ఇద్దరమ్మాయిలతో చిత్రానికి యాక్షన్ కొరియోగ్రాఫర్ గా పనిచేసిన కిచ్చ ఈ సినిమాకు కూడా స్టంట్ మాస్టర్ గా వ్యవహరించనున్నాడు. చాలా స్టైలిష్ గా, హాలీవుడ్ లెవెల్లో స్టంట్ లు ఉంటాయని తెలుస్తోంది.
పూరి జగన్నాథ్ తో పాటు ఈ చిత్రాన్ని ఛార్మి, కరణ్ జోహార్, అపూర్వ మెహతా సంయుక్తంగా నిర్మిస్తున్నారు. హిందీ, తెలుగుతో పాటు ఈ చిత్రం తమిళం, కన్నడం, మలయాళ భాషల్లో కూడా విడుదల కానుంది. అత్యంత భారీ బడ్జెట్ తో తెరకెక్కిస్తున్న ఈ చిత్ర హిందీ వెర్షన్ కు విజయ్ దేవరకొండ స్వయంగా డబ్బింగ్ చెప్పబోతుండడం విశేషం.
ఈ చిత్రానికి సంబంధించిన మరిన్ని వివరాలను త్వరలోనే చిత్ర యూనిట్ విడుదల చేయనున్నారు.
#PJ37 #VD10 Pan India film completes 40 days of shoot and finished crucial scenes on the lead cast @TheDeverakonda @ananyapandayy @meramyakrishnan @RonitBoseRoy & Ali in Mumbai.
?@purijagan
?@karanjohar @Charmmeofficial @apoorvamehta18 @DharmaMovies @PuriConnects #PCfilm pic.twitter.com/UL7RMzLtlb— Puri Connects (@PuriConnects) March 8, 2020
Credit: Twitter