అవును, అనతికాలంలోనే యూత్ ఐకాన్ గా మారిన విజయ్ దేవరకొండ ఆషామాషీ లవర్ కాదు. వరల్డ్ ఫేమస్ లవర్. ఈ మాట అంటున్నది మేము కాదు, నాలుగు హీరోయిన్లు. అవును, రాశి ఖన్నా, ఐశ్వర్య రాజేష్, క్యాథెరిన్, ఇజబెల్ కలిసి విజయ్ వరల్డ్ ఫేమస్ లవర్ అని డిసైడ్ చేసేసారు. ఈ పాటికే మీకు అర్ధమైపోయుంటుందిగా మనం మాట్లడుకుంటున్నది విజయ్ దేవరకొండ తర్వాతి చిత్రం గురించని.
అవును, క్రాంతి మాధవ్ దర్శకత్వంలో విజయ్ దేవరకొండ నటిస్తున్న తాజా చిత్రానికి వరల్డ్ ఫేమస్ లవర్ అని టైటిల్ డిక్లేర్ చేసారు. ఈ చిత్రానికి సంబంధించిన ఫస్ట్ లుక్ ను సెప్టెంబర్ 20న సాయంత్రం 5 గంటలకు రివీల్ చేయనున్నారు. కెఎస్ రామారావు నిర్మిస్తున్న ఈ చిత్రం ప్రస్తుతం పోస్ట్ ప్రొడక్షన్ కార్యక్రమాలలో బిజీగా ఉంది. ఈ చిత్రానికి సంబంధించిన మరిన్ని వివరాలు త్వరలోనే తెలుస్తాయి.