టాలీవుడ్ నయా సూపర్ స్టార్ గా వెలుగొందుతున్న విజయ్ దేవరకొండ ట్వీట్ లు ఎప్పుడూ అగ్రెస్సివ్ గా ఉంటాయన్న విషయం తెలిసిందే . దూకుడు మనస్తత్వం ఉన్న విజయ్ ఇలా ట్వీట్ చేయడం అలా వైరల్ అవ్వడం కామన్ అయిపొయింది . తాజాగా ఈ హీరో చేసిన ట్వీట్ వివాదం సృష్టించేలా ఉంది . ఎందుకంటే మిగతా స్టార్ హీరోల అభిమానులకు విజయ్ ట్వీట్ మింగుడు పడటం కష్టమే !
ఇంతకీ విజయ్ చేసిన ట్వీట్ ఏంటో తెలుసా ……… డియర్ కామ్రేడ్ చిత్రం నుండి రేపు రెండో సాంగ్ రిలీజ్ అవుతోంది అది ఈ ఏడాది బెస్ట్ సాంగ్ అంటూ ట్వీట్ చేసాడు . ఇప్పటికే విడుదలైన ఒక పాట హిట్ కాగా రేపు విడుదల అయ్యే పాట పెద్ద హిట్ అవుతుందని ముందే చెప్పడం వేరు కానీ ఈ ఏడాది బెస్ట్ సాంగ్ అని చెప్పడం మాత్రం మిగతా హీరోల అభిమానులను కెలికినట్లే ! మొత్తానికి ఈ హీరోల ట్వీట్ లు ఎలా ఉన్నప్పటికీ టాలీవుడ్ లో విజయాలతో ఎనలేని క్రేజ్ సొంతం చేసుకున్నాడు .