టాలీవుడ్లో వున్న సీనియర్ హీరోల్లో విక్టరీ వెంకటేష్ శైలి ప్రత్యేకం. `ఎఫ్2` తరహా ఫ్యామిలీ ఎంటర్టైనర్స్ తో పాటు `నారప్ప` లాంటి మాస్ మసాలా యాక్షన్ చిత్రాలని చేయగలరాయన. గత ఏడాది ఫ్యామిలీ ఎంటర్టైనర్ `ఎఫ్ 2`తో వంద కోట్ల క్లబ్లో చేరి ట్రేడ్ పండితుల్నిసైతం ఆశ్చర్యానికి గురిచేశారు. వెంకీ ఆసన్తో ఈ మూవీలో మెస్మరైజ్ చేసిన వెంకటేష్ ప్రస్తుతం `నారప్ప`గా తన వయసుకి తగ్గ పాత్రతో త్వరలో ప్రేక్షకుల ముందుకు రాబోతున్నారు.
త్వరలో `ఎఫ్3` సీక్వెల్లో నటించనున్న వెంకటేష్ ఈ ఆదివారం 60వ వసంతంలోకి అడుగుపెడుతున్నారు. ఆదివారం ఆయన పుట్టిన రోజు. ఈ సందర్భంగా ప్రత్యేకంగా వెంకటేష్ ఫొటోషూట్లో పాల్గొన్నారు. ఈ ఫొటోలలో విక్టరీ వెంకటేష్ ఉబర్ కూల్ స్టైలిష్ లుక్లో కనిపిస్తున్నారు. సాల్ట్ అండ్ పెప్పర్ లుక్లో నెరిసిన గడ్డంతో స్టైలిష్ డ్రెస్కి తగ్గట్టు బ్లాక్ గాగుల్స్ ధరించి వెంకటేష్ కనిపిస్తున్న ఫొటోస్ సోషల్ మీడియాలో వైరల్గా మారాయి.
ఇదిలా వుంటే విక్టరీ వెంకటేష్ నటిస్తున్న `నారప్ప` మూవీ నుంచి ఈ రోజు రాత్రి 8 గంటలకు టీజర్ ని రిలీజ్ చేయబోతున్నారు. శ్రీకాంత్ అడ్డాల తెరకెక్కిస్తున్న ఈ మూవీ తమిళ హిట్ చిత్రం `అసురన్` ఆధారంగా తెరకెక్కుతున్న విషయం తెలిసిందే. ప్రియమణి కీలక పాత్రలో నటిస్తున్న ఈ మూవీ ఫస్ట్ లుక్ పోస్టర్ ఇప్పటికే అంచనాల్ని పెంచేసింది.