విక్టరీ వెంకటేష్ లేటెస్ట్ సినిమా నారప్ప. ఈ చిత్రం తమిళంలో సూపర్ హిట్ గా నిలిచిన అసురన్ కు రీమేక్ గా తెరకెక్కింది. కలైపులి ఎస్ థాను, సురేష్ బాబు సంయుక్తంగా నిర్మించిన ఈ చిత్రానికి శ్రీకాంత్ అడ్డాల దర్శకుడు. ముందు ఈ చిత్రాన్ని థియేటర్లలోనే విడుదల చేయాలనుకున్నారు. ప్రస్తుతం థియేటర్లు తీర్చుకోవడానికి అనుమతులు కూడా వచ్చాయి.
కానీ కరోనా థర్డ్ వేవ్ వస్తుందని, ఇప్పటికే డెల్టా ప్లస్ వేరియంట్ విజృంభిస్తోందని వస్తున్న వార్తల నేపథ్యంలో థియేట్రికల్ బిజినెస్ పై నిర్మాతలకు ఆశలు సన్నగిల్లుతున్నాయి. ఈ క్రమంలో కొంత మంది నిర్మాతలు డిజిటల్ రిలీజ్ లపై ఆసక్తి చూపిస్తున్నారు.
తాజా సమాచారం ప్రకారం వెంకటేష్ నటించిన నారప్ప చిత్రాన్ని అమెజాన్ ప్రైమ్ లో విడుదల చేయనున్నారు. జులై 24 నుండి నారప్ప స్ట్రీమ్ అవుతుందని తెలుస్తోంది. ఇప్పటికే వెంకటేష్ దృశ్యం 2 చిత్రాన్ని అమెజాన్ లో విడుదల చేయడానికి డీల్ క్లోజ్ అయింది. సో వెంకటేష్ నటించిన రెండు చిత్రాలు కూడా ఓటిటి బాట పట్టాయన్నమాట.