మెగా ప్రిన్స్ వరుణ్ తేజ్ సినిమా సినిమాకి వైవిధ్యం చూపిస్తూ నటుడిగా ఎదుగుతున్నాడు. వరస హిట్స్ కొడుతున్నాడు. రీసెంట్ గా గద్దలకొండ గణేష్ చిత్రంతో సూపర్ హిట్ అందుకున్న వరుణ్ ఇప్పుడు స్పోర్ట్స్ డ్రామా చేయనున్నాడు. ఈ చిత్రం బాక్సింగ్ ప్రధానంగా సాగుతుందని అర్ధమవుతోంది.
కిరణ్ అనే కొత్త దర్శకుడు ఈ చిత్రాన్ని తెరకెక్కించనున్నాడు. గీతా ఆర్ట్స్ సమర్పించనున్న ఈ చిత్రాన్ని అల్లు బాబీ నిర్మించనున్నాడు. ఈ నెల 10వ తారీఖున హైదరాబాద్ లో వరుణ్ కొత్త చిత్రం ప్రారంభమవుతుంది. ఈ చిత్రానికి సంబంధించిన మరిన్ని వివరాలు త్వరలో తెలుస్తాయి.
హిట్లు, ప్లాపులతో సంబంధం లేకుండా వరుణ్ తేజ్ తన కెరీర్ ను తెలివిగా మలుచుకుంటున్నాడు. తొలి ప్రేమ అంటూ లవ్ స్టోరీ, ఫిదాతో రొమాంటిక్ ఎంటర్టైనర్, ఎఫ్ 2 తో కామెడీ, అంతరిక్షంతో స్పేస్ జోనర్, గద్దలకొండ గణేష్ తో నెగటివ్ షేడ్స్.. ఇలా అన్ని జోనర్స్ టచ్ చేస్తూ నటుడిగా ఒక్కో మెట్టూ ఎదుగుతున్నాడు. మరి ఈ స్పోర్ట్స్ డ్రామా ద్వారా ఎలాంటి సినిమా అందించనున్నాడో వరుణ్.