నిన్న సాయంత్రం విడుదలైన వాల్మీకి టీజర్ తో ఒక్కసారిగా అందరినీ షాక్ కి గురిచేశాడు వరుణ్ తేజ్ . ఈ హీరో కు సాఫ్ట్ ఇమేజ్ ఉంది కానీ వాల్మీకి చిత్రంతో మాత్రం మాస్ ఇమేజ్ రావడం ఖాయమని తేలిపోయింది టీజర్ చూస్తుంటే . వరుణ్ గెటప్ ,డైలాగ్ తో పక్కా మాస్ అనిపిస్తోంది . నిన్న మొన్నటి వరకు వాల్మీకి చిత్రంపై పెద్దగా అంచనాలు లేకుండాపోయాయి కానీ ఈ టీజర్ తో మాత్రం ఒక్కసారిగా అంచనాలు పెరిగాయి .
తమిళంలో సూపర్ హిట్ అయిన జిగర్తాండ చిత్రానికి రీమేక్ ఈ వాల్మీకి . హరీష్ శంకర్ దర్శకత్వంలో తెరెక్కుతున్న ఈ చిత్రాన్ని 14 రీల్స్ పతాకంపై నిర్మిస్తున్నారు . 14 రీల్స్ గతకొంత కాలంగా రేసులో లేకుండాపోయింది వరుస ప్లాప్ లతో . అయితే ఈ వాల్మీకి తో హిట్ కొడతాం అన్న ధీమాలో ఉన్నారు . ఇక ఈ చిత్రాన్ని సెప్టెంబర్ 13 న విడుదల చేయనున్నారు . అథర్వ , పూజా హెగ్డే , మృణాళిని తదితరులు కీలక పాత్రల్లో నటించారు .