ఉప్పెన చిత్రంతో మెగా హీరో వైష్ణవ్ తేజ్ సెన్సేషన్ క్రియేట్ చేసాడు. ఉప్పెన సూపర్ డూపర్ హిట్ గా నిలిచింది. ఈ చిత్రంతో హీరోయిన్ గా పరిచయమైన కృతి శెట్టి కూడా మంచి క్రేజ్ ను తెచ్చుకుంది. ఇదిలా ఉంటే తన మొదటి సినిమా ఉప్పెన విడుదల కంటే ముందే వైష్ణవ్ తేజ్ తన రెండో సినిమాను పూర్తి చేసాడు. క్రిష్ ఈ చిత్రాన్ని డైరెక్ట్ చేసాడు. రకుల్ ప్రీత్ సింగ్ ఈ సినిమాలో కథానాయికగా నటించింది. ఎప్పుడో షూటింగ్ పూర్తి చేసుకున్న ఈ చిత్రం పోస్ట్ ప్రొడక్షన్ కార్యక్రమాలు కూడా చివరి దశకు చేరుకున్నాయి.
తాజా సమాచారం ప్రకారం ఇప్పుడు ఈ సినిమా రిలీజ్ డేట్ కు ముహూర్తం కుదిరింది. అక్టోబర్ 8న ఈ చిత్రాన్ని విడుదల చేయాలని డిసైడ్ అయ్యారు. ఇంకా ఈ సినిమాకు టైటిల్ ను కూడా కన్ఫర్మ్ చేయలేదు.
ప్రస్తుతం వైష్ణవ్ తేజ్ తన మూడో చిత్ర షూటింగ్ ను ఇటీవలే మొదలుపెట్టాడు. అర్జున్ రెడ్డి దర్శకుడు సందీప్ రెడ్డి దగ్గర అసిస్టెంట్ గా చేసిన గిరీశాయ ఈ చిత్రాన్ని డైరెక్ట్ చేస్తున్నాడు.