పవర్ స్టార్ పవన్ కళ్యాణ్ పీరియాడిక్ డ్రామాగా చేస్తోన్న చిత్రం హరిహర వీరమల్లు. ఈ సినిమా షూటింగ్ శరవేగంగా సాగుతుండగా లాక్ డౌన్ కారణంగా పనులు ఎక్కడివక్కడ నిలిచిపోయాయి. ఈ చిత్రంలో పవన్ కళ్యాణ్ రాబిన్ హుడ్ తరహా గజదొంగ పాత్రను పోషిస్తున్నాడని తెలుస్తోంది. ఇప్పటికే విడుదలైన గ్లిమ్ప్స్ సినిమాపై ఆసక్తిని అమాంతం పెంచేసింది.
ఇక ఈ చిత్రం నుండి త్వరలో రెండు మేజర్ అప్డేట్స్ వస్తాయని సమాచారం. ముందుగా ఆగస్ట్ 17న ఒక అప్డేట్ వస్తుంది. ఈ చిత్రంలో నిధి అగర్వాల్ హీరోయిన్ గా నటిస్తోంది. ఆగస్ట్ 17 ఆమె పుట్టినరోజు. దీంతో ఆరోజు హరిహర వీర మల్లు నుండి స్పెషల్ పోస్టర్ ను రివీల్ చేస్తారు.
ఇక సెప్టెంబర్ 2న పవన్ కళ్యాణ్ పుట్టినరోజు సందర్భంగా హరిహర వీర మల్లు టీజర్ ను విడుదల చేస్తారని తెలుస్తోంది. షూటింగ్ కు అనుమతులు వచ్చాక ముందుగా టీజర్ కట్ కు సంబంధించిన సన్నివేశాలను షూట్ చేస్తారని వినికిడి. క్రిష్ ఈ చిత్రాన్ని డైరెక్ట్ చేస్తున్నాడు.