రేపు మూడు సినిమాలు విడుదల అవుతున్నాయి అయితే ఈ మూడు సినిమాల్లో విజయం సాధించేది ఏదో ? అన్నది తెలియాలంటే మరికొద్ది గంటలు ఎదురు చూడాల్సిందే . సీనియర్ హీరో డాక్టర్ రాజశేఖర్ హీరోగా నటించిన కల్కి చిత్రం తో పాటుగా నివేదా థామస్ – శ్రీవిష్ణు నటించిన బ్రోచేవారెవరురా , కెప్టెన్ రానా ప్రతాప్ చిత్రాలు విడుదల అవుతున్నాయి .
అయితే ఇందులో కల్కి , బ్రోచేవారెవరురా చిత్రాలపై ఆసక్తి నెలకొంది . ఈ రెండు చిత్రాలు కూడా టీజర్, ట్రైలర్ లతో ఆకట్టుకున్నాయి . దాంతో ఈ రెండు సినిమాలపై అంచనాలు నెలకొన్నాయి . అయితే ఆ అంచనాలను అందుకునేలా సినిమాలు ఉన్నాయా ? లేదా ? అన్నది రేపు తేలిపోనుంది . రాజశేఖర్ కు కల్కి తప్పనిసరిగా హిట్ కావాల్సి ఉంది ఎందుకంటే ఇది హిట్ అయితేనే గరుడ వేగ 2 సెట్స్ మీదకు వెళ్తుంది అలాగే ఇతర సినిమాలు లైన్ లోకి వస్తాయి లేదంటే కెరీర్ అగమ్య గోచరమే !