విశ్వక్సేన్ త‌ను న‌టించిన రెండు చిత్రాల్లో ఎలాంటి లిప్ లాక్‌లు లేవ‌ని అన్నారు. ప్ర‌స్తుతం `పాగ‌ల్‌` మూవీలో న‌టిస్తున్న విశ్వక్సేన్ ఈ మూవీ చిత్రీక‌ర‌ణ‌లో బిజీగా వున్నారు. అయితే త‌ను న‌టించిన చిత్రాల్లో లిప్‌లాక్‌లు ఎక్కువ‌గా వున్నాయంటూ ఇటీవ‌ల ఓ నెటిజ‌న్ పోస్ట్ పెట్టాడంటూ ఇన్ స్టా స్టోరీస్‌లో రాసుకొచ్చారు. `వెళ్లిపోమాకే` , ఈ న‌గ‌రానికి ఏమైంది` చిత్రాల్లో న‌టించాన‌ని, ఈ రెండు చిత్రాల్లో అధ‌ర‌చుంబ‌నాలుంటే నాకు చెప్పండి అంటూ పోస్ట్ పెట్టారు.
అయితే విశ్వక్సేన్ న‌టించిన తొలి చిత్రం `వెళ్లిపోమాకే`లో లిప్‌లాక్ సీన్ వుంది. `ఈ న‌గ‌రానికి ఏమైంది` త‌రువాత చేసిన `ఫ‌ల‌క్‌నుమా దాస్`, `హిట్` చిత్రాల్లోనూ లిప్‌లాక్ స‌న్నివేశాలున్నాయి. అయితే విశ్వక్సేన్ మాత్రం `వెళ్లిపోమాకే`, ఈ న‌గ‌రానికి ఏమైంది` చిత్రాల్లో తాను లిప్‌లాక్ చేయ‌లేద‌ని విశ్వక్సేన్ స్టేట్‌మెంట్ ఇవ్వ‌డం ఆస‌క్తిక‌రంగా మారింది.
`పాగ‌ల్‌` సెట్‌లోకి విశ్వ‌క్ ఆల‌స్యంగా వ‌స్తాడని, ఫ‌స్ట్ టైమ్ టైమ్‌కి వ‌చ్చాడంటూ ఆ మ‌ధ్య ఓ వీడియోని రిలీజ్ చేశారు. అయితే ఆ వీడియోని చేసింది విశ్వ‌క్‌సేనే. కావాల‌నే వైర‌ల్ చేయ‌డం కోసమే ఆ వీడియో చేశాన‌ని ఇటీవ‌ల బ‌ర్త్‌డే ఇంట‌ర్వ్యూలో ఆఫ్ ది రికార్డ్ వుల్ల‌డించారు. తాజా లిప్‌లాక్ ల‌పై స్పందించ‌డం కూడా అలాంటి జిమ్మిక్కేన‌ని తెలుస్తోంది. `పాగ‌ల్‌`లోనూ నివేదా పేతురాజ్‌తో విశ్వ‌క్ సేన్ లిప్‌లాక్ వుంద‌ట. దాన్ని హైలైట్ చేయ‌డం కోసమే విశ్వ‌క్ ఇలా ఆ రెండు చిత్రాల‌ని మాత్ర‌మే ఎక్జాంపుల్‌గా చూపిస్తూ ఆ చిత్రాల్లో లిప్‌లాక్ లేద‌ని ప‌ర్టికుల‌ర్‌గా చెప్ప‌డం ప‌లు అనుమానాల‌కు తావిస్తోంది.