సూర్య ఏదైనా సినిమా అంగీక‌రిస్తే దాని కోసం ప్రాణం పెడ‌తాడు. ఈ విష‌యం చాలా సంద‌ర్భాల్లో రుజువైంది కూడా. సూర్య స‌న్నాఫ్ కృష్ణ‌న్‌` చిత్రం కోసం 13 ఏళ్ల కుర్రాడిగా మారి ఆశ్చ‌ర్య‌ప‌రిచిన సూర్య ఆ త‌రువాత కూడా అఏ త‌ర‌హా ప్ర‌యోగాలు చేస్తూ వ‌స్తున్నారు. తాజాగా ఆయ‌న న‌టిస్తున్న తాజా త‌మిళ చిత్రం `సూరరాయి పోట్రు`. సుధా కొంగ‌ర ద‌ర్శ‌క‌త్వం వ‌హిస్తున్న ఈ చిత్రాన్ని తెలుగులో `ఆకాశ‌మే హ‌ద్దురా` పేరుతో రిలీజ్ చేస్తున్నారు.
ఏయిర్ డెక్క‌న్ వ్య‌వ‌స్థాప‌కుడు జి.ఆర్‌. గోపీనాథ్ జీవిత క‌థ ఆధారంగా ఈ చిత్రాన్ని రూపొందిస్తున్నారు. ఒక విధంగా చెప్పాలంటే జి.ఆర్‌. గోపీనాథ్ బయోపిక్ అన్న‌మాట. ఈ చిత్రాన్ని ఈ నెల‌లోనే రిలీజ్ చేయాల‌నుకున్నారు. క‌రోనా వైర‌స్ ప్ర‌భావంతో వాయిదా వేశారు. ఈ చిత్రంలోని కొన్ని కీల‌క స‌న్నివేశాల్లో హీరో సూర్య 19 ఏళ్ల యువ‌కుడిగా క‌నిపించాల్సి వుంది. 44 ఏళ్ల వ‌య‌సున్న సూర్య 19 ఏళ్ల యువ‌కుడిగా ఎలా మారాడు అన్న‌ది ఆస‌క్తిక‌రంగా మారింది.
దీనికి సంబంధించిన మేకింగ్ వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. సూర్య 19 ఏళ్ల యువ‌కుడిగా మార‌డం కోసం ఎలాంటి క‌స‌ర‌త్తులు చేశాడు, ఎలాంటి డైట్‌ని పాటించాడ‌న్న‌ది ఈ వీడియోలో చూపించారు. ఈ వీడియో చూఇన వారంతా హ్యాట్సాఫ్ సూర్య అంటు ప్ర‌శంస‌ల వ‌ర్షం కురిపిస్తున్నారు.