Homeగాసిప్స్మళ్ళీ ఫుల్ బిజీ కానున్న సురేష్ ప్రొడక్షన్స్

మళ్ళీ ఫుల్ బిజీ కానున్న సురేష్ ప్రొడక్షన్స్

Suresh productions planning more remakes
Suresh productions planning more remakes

టాలీవుడ్ లో సురేష్ ప్రొడక్షన్స్ బ్యానర్ కు ఒక బ్రాండ్ వేల్యూ ఉంది. ఈ బ్యానర్ లో నుండి సినిమా వస్తోందంటే ప్రేక్షకుల్లో ఒక రకమైన నమ్మకం ఉంటుంది. కనీసం యావరేజ్ సినిమా అయినా వస్తుందని, బ్యాడ్ సినిమాలు చాలా అరుదనే భావన ప్రజల్లో ఉంది. ఇప్పటిదాకా అలానే జరుగుతూ వస్తోంది కూడా. సినిమాల పరంగా ఎప్పుడూ రామానాయుడు కానీ సురేష్ బాబు కానీ గురి తప్పిన సంఘటనలు చాలా అరుదు. మంచి కథ లేకపోతే సినిమాలు తీయడం తగ్గించేస్తారేమో కానీ ఏదొకటి చేయాలనే భావన మాత్రం వారికుండదు.

గత కొంత కాలంగా సినిమాల నిర్మాణాన్ని తగ్గించేసిన సురేష్ ప్రొడక్షన్స్ మళ్ళీ సూపర్ బిజీ కానుంది. వచ్చే రెండేళ్లలో వరసగా సినిమాలను నిర్మించడానికి ఇప్పటినుండే ప్రణాళికలు వేసుకుంటోంది. అందులోనూ ఈ సంస్థ నుండి రీమేక్ సినిమాలే ఎక్కువ రానుండడం విశేషం. సురేష్ బాబు సేఫ్ ప్రాజెక్టుల వైపే గత కొంత కాలంగా మొగ్గు చూపుతున్నాడు. రీమేక్ అయితే రిస్క్ తక్కువ కాబట్టి ఆ దిశగా ఆలోచిస్తున్నట్లు తెలుస్తోంది.

- Advertisement -

రీసెంట్ గా రిలీజైన వెంకీ మామ సురేష్ బాబు అండ్ కో కు హ్యాపీ ప్రాజెక్టుగానే మిగలనుంది. ఈ సినిమా తొలి వీకెండ్ కుమ్మేసింది. దాదాపుగా 20 కోట్లకు పైనే ఇక్కడ వసూలయ్యాయి. ఇక వీక్ డేస్ లో ఓ మోస్తరుగా పెర్ఫార్మ్ చేసినా చాలు వెంకీ మామ సేఫ్ అయిపోయినట్లే. ఈ ఏడాది ఇప్పటికే ఓ బేబీ అంటూ ఒక రీమేక్ ను తెరకెక్కించి విజయవంతమయ్యారు సురేష్ అబూ అండ్ కో. ఇక ఇప్పుడు అసురన్ రీమేక్ పనులు కూడా మొదలయ్యాయి. ఇవి కాకుండా మరో నాలుగు రీమేక్ సినిమాల హక్కులు సురేష్ బాబు వద్ద ఉన్నాయని తెలుస్తోంది.

బాలీవుడ్ లో సూపర్ డూపర్ హిట్ అయిన సోను కి టిటు కి స్వీటీ, డ్రీమ్ గర్ల్ సినిమాల రీమేక్ హక్కులు సురేష్ బాబు సొంతం చేసుకున్నాడు. అలాగే ఓ బేబీ కొరియన్ రీమేక్ కాబట్టి ఆ సినిమా విజయవంతమయ్యాక మరో రెండు కొరియన్ సినిమాల హక్కుల్ని సొంతం చేసుకున్నారని తెలుస్తోంది.

ఈ రీమేక్స్ కాకూండా రానాతో 200 కోట్ల బడ్జెట్ తో హిరణ్యకశ్యప అనే చిత్రాన్ని ప్లాన్ చేస్తున్న విషయం తెల్సిందే. మొత్తంగా వచ్చే రెండేళ్లలో సురేష్ ప్రొడక్షన్స్ నుండి మరిన్ని చిత్రాలు రానున్నాయన్నమాట.

- Advertisement -
Advertisement
Advertisement

టాప్ స్టోరీస్

View All
Advertisement

గాసిప్స్

View All