అగ్ర నిర్మాత సురేష్ బాబు చాలా ప్రాక్టికల్ నిర్మాత. సెంటిమెంట్ కంటే పరిస్థితులకు విలువనిచ్చే వ్యక్తి. ప్రస్తుతం సురేష్ రెండు సినిమాలను సహానిర్మించాడు. ఈ రెండు వెంకటేష్ హీరోగా తెరకెక్కిన సినిమాలే కావడం విశేషం. తమిళ అసురన్ ను తెలుగులో నారప్ప పేరుతో రీమేక్ చేసాడు అలాగే మలయాళంలో సూపర్ హిట్ అయిన దృశ్యం2 ను కూడా రీమేక్ చేసాడు.
ఈ రెండు చిత్రాల షూటింగ్స్ పూర్తై విడుదల కోసం వేచి చూస్తున్నాయి. ప్రస్తుతం ఉన్న పరిస్థితులకు అనుగుణంగా సురేష్ బాబు ఈ రెండు చిత్రాలను ఓటిటిలో విడుదల చేయడానికి డీల్స్ క్లోజ్ చేసాడు. నారప్ప చిత్రం వచ్చే నెలలో అమెజాన్ ప్రైమ్ లో విడుదల కానుంది. దృశ్యం 2 డిస్నీ ప్లస్ హాట్ స్టార్ లో విడుదలవుతుంది. ఈ రెండు చిత్రాల ద్వారా సురేష్ బాబు దాదాపు 70 కోట్ల రూపాయలు వెనకేసినట్లు తెలుస్తోంది.
ఇక సురేష్ బాబు నిర్మించిన విరాటపర్వం చిత్ర డీల్ నెట్ ఫ్లిక్స్ తో ఫైనలైజ్ చేయనున్నాడు.