నేను ఆర్ధికంగా నష్టపోవడానికి కారణం పేకాట ఆడటం అని అనుకున్నారు అలాగే నన్ను ఫోకస్ చేసారు కానీ నేను నష్టపోయింది పేకాట ఆడటం వల్ల కాదు చాలామంది నిర్మాతలకు డబ్బులు ఇవ్వడం వల్లే అని అంటున్నాడు జగపతిబాబు . ఒకప్పుడు స్టార్ హీరోగా వెలుగొందిన జగపతిబాబు ఫ్యామిలీ చిత్రాల హీరోగా మంచి గుర్తింపు పొందాడు . శోభన్ బాబు తర్వాత అంతటి ఇమేజ్ ని జగపతిబాబు పొందాడు .
అయితే అప్పట్లో ఈ హీరో తో కొంతమంది సినిమాలు చేసి ఆర్ధికంగా నష్టపోయారట ! సదరు నిర్మాతలు వచ్చి జగపతిబాబు దగ్గర నష్టపోయామని చెప్పడంతో కొంతమంది కి డబ్బులు ఇచ్చాడట మరికొంతమందికి వాళ్ళు ఇవ్వాల్సిన రెమ్యునరేషన్ ని ఇవ్వొద్దని చెప్పాడట అలా మోసపోయానని , నష్టపోయానని అంతేకాని పేకాట ఆడి కాదని అంటున్నాడు . అంతేకాదు ఆర్ధికంగా నష్టపోయిన సమయంలో డబ్బు విలువ ఏంటో తెలుసుకున్నానని అందుకే ఇప్పుడు ఖర్చు విషయంలో చాలా జాగ్రత్త పడుతున్నానని కూడా చెప్పాడు జగపతిబాబు .