అందాల రాక్షసి, కృష్ణగాడి వీరప్రేమగాథ, లై చిత్రాలతో ప్రేక్షకులను మెప్పించిన హను రాఘవపూడి ..తాజాగా ‘సీతా రామం’ అనే మూవీ చేస్తున్నాడు. దుల్కర్ సల్మాన్, మృణాళిని ఠాకూర్, రష్మిక మందన్న ప్రధాన పాత్రల్లో నటిస్తున్న ఈ చిత్రాన్ని స్వప్న సినిమా పతాకంపై అశ్వనీదత్, ప్రియాంకదత్ నిర్మిస్తున్నారు. యుద్ధం నేపథ్యంలో హృదయాన్ని కదిలించే ప్రేమకథగా ఈ సినిమా తెరకెక్కుతుంది. తాజాగా టైటిల్ గ్లింప్స్ ని విడుదల చేసి ఆకట్టుకున్నారు .
‘ఇది ఓ సైనికుడు శత్రువుకి అప్పగించిన యుద్ధం అఫ్రీన్. ఈ యుద్ధంలో సీతారాములను నువ్వే గెలిపించాలి’ అనే సంభాషణ ఆకట్టుకుంటున్నది. యుద్ధ నేపథ్యంలో నడిచే ఈ ప్రేమకథలో దుల్కర్ సల్మాన్ లెఫ్టినెంట్ రామ్ పాత్రలో కనిపించనున్నారు. ఆయనకు జోడీగా సీత పాత్రలో మృణాళిని ఠాకూర్ నటిస్తున్నది. కశ్మీర్ ముస్లిం అమ్మాయి అఫ్రీన్గా రష్మిక మందన్న కీలకమైన పాత్రను పోషిస్తున్నది. తెలుగు, తమిళం, మలయాళ భాషల్లో ఏకకాలంలో తెరకెక్కిస్తున్న ఈ సినిమా షూటింగ్ చివరి దశలో ఉంది. సుమంత్, గౌతమ్మీనన్, ప్రకాష్రాజ్ తదితరులు ఈ మూవీ లో నటిస్తున్నారు.