హీరో హీరోయిన్ ఇద్దరూ కొత్తవాళ్లు ఆపై దర్శక నిర్మాతలు కూడా కానీ సినిమా మాత్రం మొదటి రోజునే రికార్డ్ స్థాయి వసూళ్ల ని సాధించి ట్రేడ్ విశ్లేషకులను సైతం ఆశ్చర్యానికి గురిచేసింది ” RX 100” చిత్రం . నిన్న విడుదలైన ఈ చిత్రం పై పెద్దగా అంచనాలు లేవు కానీ యువత ని ఆకట్టుకునే అంశాలు పుష్కలంగా ఉండటంతో భారీగా వసూళ్లు వచ్చాయి , నిన్న ఒక్క రోజులోనే రెండు తెలుగు రాష్ట్రాలలో కలిపి కోటి నలభై లక్షల గ్రాస్ వసూళ్ళ ని సాధించడం ట్రేడ్ విశ్లేషకులను , ఆ చిత్ర బృందాన్ని సైతం ఆశ్చర్యానికి గురిచేస్తోంది .
ఆర్ ఎక్స్ 100 చిత్రంతో పాటుగా విడుదలైన చిత్రానికి పెద్దగా కలెక్షన్లు లేవు ఇక మెగా మేనల్లుడు నటించిన తేజ్ ఐ లవ్ యు చిత్రానికి దారుణమైన కలెక్షన్లు వస్తున్నాయి . వారం రోజుల పాటు సాయి ధరం తేజ్ నటించిన చిత్రానికి వచ్చిన కలెక్షన్లు ఆర్ ఎక్స్ 100 చిత్రం ఒక్క రోజులోనే వసూల్ చేయడం సంచలనంగా మారింది .
హీరో కొత్తవాడు అలాగే హీరోయిన్ కూడా పైగా చిన్న చిత్రం అయినప్పటికీ యువత కు కావాల్సిన మసాలా దట్టంగా ఉండటంతో యువత ఈ చిత్రాన్ని చూసేందుకు ఎగబడుతున్నారు . దాంతో మొదటి రోజునే దాదాపు కోటిన్నర వసూల్ అయ్యింది . ఈ వసూళ్లు మరో మూడు రోజుల పాటు ఇలాగే ఉంటే లాభాల పంట పండినట్లే ! కార్తికేయ – పాయల్ రాజ్ పుత్ జంటగా నటించిన ఈ చిత్రాన్ని అజయ్ భూపతి దర్శకత్వంలో అశోక్ రెడ్డి నిర్మించాడు .
English Title: shocking collections for RX 100