గత కొంత కాలం నుండి వార్తల్లో నిలుస్తూ వస్తోన్న బాలీవుడ్ చిత్రం షేర్షా ఇప్పుడు ఒక అరుదైన రికార్డును సొంతం చేసుకుంది. బాలీవుడ్ యంగ్ హీరో సిద్ధార్థ్ మల్హోత్రా నటించిన ఈ చిత్రం కార్గిల్ హీరో, పరమవీర చక్ర గ్రహీత విక్రమ్ బాత్రా జీవితం ఆధారంగా తెరకెక్కింది. అమెజాన్ ప్రైమ్ లో ఈ సినిమా డైరెక్ట్ రిలీజ్ అయింది.
ఈ చిత్రానికి విడుదలైన రోజు నుండి సూపర్బ్ రెస్పాన్స్ వస్తోంది. ప్రముఖ సినిమా రేటింగ్ సంస్థ ఐఎండిబిలో 8.9 రేటింగ్ సాధించి బాలీవుడ్ హయ్యస్ట్ రేటెడ్ సినిమాగా గౌరవం దక్కించుకుంది. ఏకంగా 200 దేశాల్లో ఈ సినిమాను చూసినట్లుగా అధికారిక లెక్కలు ఉన్నాయి. ఇక మరో ఆసక్తికర విషయం ఏమిటంటే అమెజాన్ ప్రైమ్ లో ఎక్కువగా చూసిన సినిమాగా షేర్షా మరో అరుదైన రికార్డును సొంతం చేసుకుంది.
సిద్ధార్థ్ మల్హోత్రా సరసన కియారా అద్వానీ హీరోయిన్ గా నటించిన ఈ చిత్రాన్ని విష్ణువర్ధన్ డైరెక్ట్ చేసాడు. ధర్మ ప్రొడక్షన్స్, కాష్ ఎంటర్టైన్మెంట్స్ సంస్థలు ఈ సినిమాను నిర్మించాయి.