బన్నీకి సమంత వెరైటీగా వెల్కమ్ చెప్పింది. వైన్ బాటిల్ .. సరికొత్త మొబైల్ ఫోన్ని గిఫ్ట్గా అందిస్తూ స్టైలిష్ స్టార్ అల్లు అర్జున్కు స్వాగతం పలకడం ప్రస్తుతం వైరల్గా మారింది. వివరాల్లోకి వెళితే… డిజిటల్ స్ట్రీమింగ్ ఓటీటీ యాప్ `ఆహా`. ది గ్రేట్ ప్రొడ్యూసర్ అల్లు అరవింద్ మైహోమ్ గ్రూప్తో కలిసి స్టార్ట్ చేసిన ఈ డిజిటల్ మాధ్యమం లాక్డౌన్ నుంచి వెలుగులోకి వచ్చిన ఈ ఓటీటీ ప్లాట్ ఫామ్ ప్రస్తుతం టాలీవుడ్లో హాట్ టాపిక్గా మారింది.
దీన్ని మరింత పాపులర్ చేయాలన్న ఆలోచనలో భాగంగా స్టార్ హీరోయిన్ సమంత హోస్ట్గా `సామ్ జామ్` పేరుతో ఓ టాక్ షోని ప్రారంభించారు. ఇందులో సెలబ్రిటీల క్రేజీ ఇంటర్వ్యూలతో పాటు సహాయం కోసం ఎదురుచూస్తున్న వారికి ఇదే వేదిక ద్వారా సహాయాన్ని అందిస్తున్నారు. త్వరలో విజయ్ దేవరకొండతో మొదలైన ఈ టాక్ షో ఆహాలో ట్రెండ్ అవుతోంది.
తాజాగా ఈ టాక్ షో కోసం బన్నీ కూడా హాజరయ్యారు. దీనికి సంబంధించిన షూటింగ్ ఇటీవల అన్నపూర్ణ స్టూడియోస్లో జరిగింది. ఈ కార్యక్రమానికి హాజరవుతున్న బన్నీకి సమంత వెరైటీగా స్వాగతం పలకడం సోషల్ మీడియాలో వైరల్గా మారింది. బన్నీకి వైన్ బాటిల్, కాస్ట్లీ మొబైల్ని కానుకగా అందిస్తూ సామ్ స్వాగతం పలికిన తీరు వైరల్ అవుతోంది. ఈ షోలో బన్నీ ని సామ్ ఏ స్థాయిలో ఆటపట్టిస్తుందో తెలియాలంటే క్రిస్మస్ వరకు వేచి చూడాల్సిందే.