నయనతార సినిమా కోసం పాండిచ్చేరి చేరుకున్న సమంత

సమంత లీడ్ రోల్ లో చేస్తోన్న శాకుంతలం సినిమా షూటింగ్ ను పూర్తి చేసుకుంది. సాధారణంగా సినిమా సినిమాకూ ఎక్కువ సమయం తీసుకునే గుణశేఖర్ ఈ చిత్రాన్ని రికార్డ్ సమయంలో పూర్తి చేసాడు. మలయాళ నటుడు దేవ్ మోహన్ ఈ చిత్రంలో హీరోగా నటిస్తున్నాడు. మణిశర్మ ఈ చిత్రానికి సంగీతం అందిస్తున్నాడు. శాకుంతలం నుండి ఫ్రీ అవ్వడంతో సమంత ఇప్పుడు తన తర్వాత చిత్రంపై ఫోకస్ పెట్టింది.

సమంత లీడ్ రోల్ లో నటిస్తోన్న తమిళ చిత్రం కాతు వాక్కుల రెండు కాదల్. ఈ సినిమా షూటింగ్ ప్రస్తుతం పాండిచ్చేరిలో జరుగుతోంది. నయనతార ఈ చిత్రంలో మరో హీరోయిన్ గా నటిస్తోంది. నయనతార బాయ్ ఫ్రెండ్ విగ్నేష్ శివన్ ఈ సినిమాను డైరెక్ట్ చేస్తున్నాడు. తమిళ స్టార్ నటుడు విజయ్ సేతుపతి కీలక పాత్ర పోషిస్తున్నాడు. నయనతార, విగ్నేష్ శివన్, విజయ్ సేతుపతి కలిసి నటించిన నానుమ్ రౌడీ థాన్ సూపర్ డూపర్ హిట్ గా నిలిచింది.

ఇప్పుడు మరోసారి ఈ కాంబో రిపీట్ అవుతోంది. 7 స్క్రీన్ స్టూడియోస్ ఈ చిత్రాన్ని నిర్మిస్తోంది.