స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ శ్రీనివాస్ కాంబినేషన్ లో తెరకెక్కుతున్న చిత్రం అల వైకుంఠపురములో.. సంక్రాంతికి విడుదల కానున్న ఈ చిత్రానికి ఇప్పటికే బోలెడంత హైప్ వచ్చింది. ఈ చిత్ర ప్రమోషన్స్ కు అదిరిపోయే స్టార్ట్ లభించింది. సెప్టెంబర్ 27న యూట్యూబ్ లో ఈ పాట మొదటి సింగిల్ ను విడుదల చేసిన విషయం తెల్సిందే.
సామజవరగమనా.. పేరుతో విడుదలైన ఈ పాట విడుదలైన రోజు నుండే సంచలనాలు సృష్టించడం మొదలుపెట్టింది. అతి తక్కువ సమయంలోనే 1 మిలియన్ వ్యూస్ సాధించిన ఈ పాట ఇక వెనుతిరిగి చూసింది లేదు. ఇప్పటికీ ఈ పాట రోజుకి లక్షల్లో వ్యూస్ సాధిస్తూ దూసుకుపోతోంది. ఈరోజుకి సామజవరగమనా 30 మిలియన్ వ్యూస్ మార్క్ ను చేరుకుందంటే అర్ధం చేసుకోండి ఎంత పెద్ద హిట్ అయిందో.
థమన్ స్వరకల్పనలో సీతారామశాస్త్రి రచనలో సెన్సేషనల్ సింగర్ సిద్ శ్రీరామ్ ఈ పాట పాడారు. రొమాంటిక్ మెలోడీ అయిన ఈ పాట యూత్ కి ఇన్స్టంట్ గా నచ్చేసింది. ప్రస్తుతం చిత్రీకరణ దశలో ఉన్న అల వైకుంఠపురములో సంక్రాంతికి విడుదల కానుంది. అల్లు అర్జున్ సరసన పూజ హెగ్డే నటిస్తోన్న ఈ సినిమాలో నివేద పేతురాజ్, సుశాంత్, నవదీప్ ముఖ్య పాత్రలను పోషిస్తున్నారు.